Dia 26 di juli di ultimo a nombra Gino Winklaar como director di e departamento di Guarda Nos Costa (GNC) caminda no a tarda hopi  pa un documento cu yama meldplicht a ser saca for di un di cashi door di un  funcionario toezichter, cual a saca un potret y mand’e pa un otro ambtenaar cu ta na cas y na su turno a duna esey na un miembro di prensa.  

Documento secreto di director nobo di GNC a sali na cla door di su propio trahado, algo cu ta masha normal mes pa algun toezichter, di pone e bevel cu nan ta traha riba nan status di e plataforma Whatsapp y pa esaki, Bon Dia Aruba a haya den su poder e prueba aki unda e toezichter specifico no lo ser nombra ainda.

 

Meldingplicht
Meldplicht ta un instrumento legal unda un persona por para garante pa un otro persona cu ta deteni na GNC. Si e persona en cuestion  ta cumpli cu rekisito, e ta bin na remarke pa por haya un meldplicht, manera e caso di Winklaar mes y otro casonan como di otro polis y hasta periodistanan cu tambe a yega di para garante pa un meldplicht  na GNC. Esaki ta nifica cu un meldiplicht no ta algo cu ta bay contra ley y ta forma parti di bida priva di cada persona, incluyendo Winklaar, otro polisnan y periodista cu tambe a haci’e den pasado.

Tambe den pasado, reportero di Bon Dia Aruba a haci pregunta na e director anterior di GNC Richard Kramers tocante un persona di nacionalidad Venezolano di nomber Jose Molleda. E persona aki tabata e vocero tempo cu tabatin e famoso welganan cu e detenidonan a subi dak na aña 2020 y par di dia despues a nombra Kramers director interino di GNC.

Segun informacion haya, Jose Molleda a drenta cu lancha di manera ilegal riba nos isla y despues di haci e welga, e persona aki a haya un meldplicht. Cua ta e motibo tan valido pa e meldplicht  cu te cu dia di awe Kramers no kier contesta?

 

Gino Winklaar tin un trabou hopi grandi pa haci cu GNC
Si un toezichter ta dispuesto pa saca documento interno di su propio director, con por garantisa como Arubiano of cualkier ciudadano cu GNC lo trata nan informacion confidencial cu integridad ?

Den pasado caba, den un caso di GNC specifico di Kramers unda e tabata sospechoso  y e tempo ey, director interino di GNC, el a laga un persona di KPA cu yama Michael “Mayki” Solognier bay cu e videobeeldnan di un caso y sin cu Solognier tabata parti di e investigacion di Landsrecherche. Despues Kramers a traha un feitenverslag  bisando su excelencia Gobernador di Aruba cu e videonan a bay den un fecha cu no ta klop.

Pregunta cu a keda habri  ainda: na ken ex-director Kramers  a gaña, Gobernador di Aruba  of Landsrecherche? Esaki ta contestanan di Richard Kramers cu Bon Dia Aruba lo keda warda riba dje y lo warda contesta tambe for di Michael Solognier  di KPA tocante cua video el a bay cune? pasobra falta e video di e zaal y ki mishi Maiky Solognier ta bay cu bewijsmaterial di un caso penal sin un bevel di Ministerio Publico of un process-verbal van bevindingen. Ningun di e 2 nan aki ta parce den e eind PV di Landsrecherche.

Toezichter a traha un bevel di inbewaringstelling dia 31 di augustus 2022 pa kita un persona su libertad unda cu toezichter  hunto cu su colega a pasa den verboden pa “opsoren”. E persona en cuestion, unda su propio ex-hefe, Sr. Kramers, ta declara den su rapport  na Landsrecherche  y a skirbi den su bevel cu tabatin controle. Den e “controle” aki a haci uso di e autodienst  D-227 y no esaki ta un voorrangsvoertuig, cual ta nifica cu ni GNC y ningun otro instancia no mag di haci control coriendo den verboden y poniendo den un bevel cu tabatin controle.