Den un entrevista cu director interino di GKMB, ingeniero Luis Chong a splica tocante e situacion di e sangura den mangel den area di Pos Chikito y con ta trata cu esaki.

E periodo cu ta afecta mas, segun Chong ta den mei, juni y juli. Ora cu luz baha, den cas anochi e sangura ta bira activo. El a splica cu ta atende cu asunto di keho den area di Pos Chikito y Savaneta pa motibo di sangura den e mangel.

E ta splica cu nan ta consciente di esey, anto ta bezig pa varios siman pa mantene e cantidad di sangura abou. Sinembargo, Chong ta remarca cu e ta un problema cu ta wordo crea pa e mangel mes.

“Nos tin hende trahado cu ta drenta den mangelnan pa purba trata e plas di awa cu ta acumula eyden actualmente. Nos ta pasa tambe atardi y mainta pa fumiga cierto mangel pa asina baha e cantidad di sangura. E ta un problema grandi y nos ta consciente di esaki”, el a expresa.

Tocante e situacion, nan ta haciendo nan best, pero nan a informa cu tin ‘hopi larva’ y no a spera cu tin sangura preto mas pa causa molestia. Esaki ta un problema cu nunca por elimina, pa motibo cu e mangel ta keda cu e plas y ta acumula, sinembargo, ‘ta purba elimina e cantidad di adulto pa no causa molestia na e bario’.

Bon Dia Aruba a puntra Chong con nan ta trata cu e problema. E ta contesta cu tin dos manera pa trata cune. E prome ta preveni cu larvanan ta crece den awa. Nan personal ta drenta den e mangel, ta tira algun producto cu ta evita pa larva/ sangura bira adulto, ‘un producto biologico’ unda cu ta afecta solamente larva di sangura y niun otro insecto.

E di dos parti, pa sangura adulto, ta pa fumiga. E persona ta drenta mangel y fumiga sangura adulto. Nan ta pasa cu pick-up den area di Pos Chikito anochi y fumiga, pa asina e molester bira menos. “Awo e situacion ta bou di control.”

 

LEAVE A REPLY

Please enter your comment!
Please enter your name here