Glenda Heyliger cu concepto di obranan Assistance; Preserve, Prevent & Promote (PPP)

Artista Arubano Glenda Heyliger a traha riba un concepto di arte contemporaneo pa exposicion Mare Nostrum na Maracaibo. E exposicion tin como meta pa explora y reforsa lasonan entre paisnan Venezuela, Aruba, Hulanda y Antiyas. Den expo Mare Nostrum e artista ta analisa relacionnan neocolonial y importancia di preserva identidad cultural.

Den nos edicion di ayera nos a elabora riba e exposicion di arte contemporaneo Mare Nostrum cu ta wordo exhibi pa artistanan contemporaneo Arubano na Museo de Arte Contemporaneo del Zulia (Maczul). Siguientemente nos lo elabora un poco mas riba e obranan cu a wordo presenta y tambe den nos publicacion lo tin potret di e obranan disponibel, cortesia di e artistanan: Glenda Heyliger, Elvis Lopez, Ryan Oduber y Osaira Muyale.

Durante un conferencia di prensa nos a sinta hunto cu e artistanan pa nan splica un poco mas cua ta e mensahe cu nan kier trece dilanti cu nan obranan. Mirando cu e obranan actualmente ta na Maracaibo, e ta parce nos interesante pa por trece e mensahenan di e obranan di un manera of otro bek na cas.

Sra. Heyliger, kende pa algun persona den comunidad ta conoci manera un di e personanan cu a lanta e proyecto Sinfa (Sint Nicolas Foundation for the Arts), ta conta Bon Dia di e 3 obranan cu el a presenta na e Exposicion Mare Nostrum, cual hunto ta forma e concepto unifica di Assistance; Preserve, Prevent & Promote (PPP) titula First Aid Am I.

 

Obra tratando cu corupcion

E obra den su totalidad tin 3 manifestacion, cada un den medium di instalacion di arte. Un di nan te hasta ta interactivo. Instalacion di arte ta un medio cu ta wordo uza pa altera espacio di un luga di un manera cu e percepcion di e audiencia ta cambia e manera con nan ta wak e espacio. E prome obra ta un bon ehempel di esaki: varios cahanan di madera suspendi den un camber, envolvi cu gips.

Cu esaki mi kier a toca e tema di corupcion. P’esey un di e obranan, cual ta esnan envolvi den gips ta yama Yankee Go Home. Pero e Yankee aki por ta tanto un Yankee Mericano como Hulandes. Den historia di Latino America nos por mira cu tabatin masha hopi influencia di paisnan di afo cu poder. Mi kier nos realisa cu e historia di Latino America ta nos historia como Aruba tambe.”

E historia aki segun sra. Heyliger a wordo tapa y cera, mescos e cahanan cu e ta suspende den su obra, creando asina un stasis di tur e foreign aid cu ta wordo ofreci di parti di institutonan global pa yuda desaroya y resolve problema den paisnan menos desaroya. Sinembargo e gips ta agrega un elemento cu ta sugeri cu e intencionnan di parti di paisnan mas desaroya posibelmente no ta completamente noble.

Esaki debido na e echo cu, segun sra. Heyliger esnan cu no acepta e tipo di foreign aid aki hopi biaha ta bira victima di prensa y ocupacionnan militar di parti di podernan y agencianan di inteligencia Mericano.

Diferente interpretacion

Nos ta adverti si cu arte contemporaneo ta fuertemente depende di interpretacion subhetivo di e audiencia, pues nos por elabora riba e punto di bista di e artista pero ta keda na e lector of bishitante di e exposicion pa formula nan mesun idea di loke e ta wak. Esaki e artista tambe ta curasha, pasobra e idea tras di e obra ta pa crea un combersacion cu e storia cu e obra ta conta. Pues no tin un definicion concreto di loke e obra ta of por representa.

Esaki sra. Heyliger tambe ta ilustra pa medio di tin diferente interpretacion di e mesun obra. Un interpretacion humoristico di e obra envolvi cu gips di parti di e artista: “U.S. Agency for International Development (USAID) a yena un mondi cu un cuerpo di tropa inmobil consistiendo completamente di bureaucraatnan corupto y cu salario demasiado halto”

Sinembargo e artista no ta critica solamente loke tin di wordo drecha den su opinion. Cu e obra Primeros Auxilios Soy Yo, e artista ta spera di podera cada persona individualmente pa realisa cu nos tur mester ta uni pa bay dilanti como humanonan y como paisnan. E obra interactivo aki ta envolvi 3 bais inmobil cu un persona por uza pa podera first aid kits pega na e baisnan. Esaki ta e manera con e artista kier promove primeros auxilios ‘cu intencionnan puro. Y no un motivacion falso di kier yuda, cu interesnan pa plama bo tera di tur cos cu bo tin’.

E di tres obra cu sra. Heyliger a traha riba dje ta SOY SAL, cual ta un instalacion di salo y crusnan.

Cu e obra aki mi kier nos realisa cu hopi di nos den Latino America y den Caribe ta bin di 4 rasa, esta Africano, Hulandes, Mericano y Indjan. Pero tur di nos ta bin di e continente America y Sur America. Pues nos mester traha hunto pa preserva nos cultura, historia y identidad.”

Den nos proximo edicion nos lo elabora mas riba e obranan di e otro artistanan cu a exhibi nan obranan na Maracaibo. E exposicion na Maczul lo ta habri te cu 28 di februari 2018.

You May Also Like

16-03-24_PDVSA.jpg

Banco AIB a entrega su estudio di impacto reapertura refineria

Riba peticion di gobierno e banco di inversion AIB a haci un analisis riba ...

ley citgoNOBO.jpg

Awe mas claridad riba e secresia documentonan Citgo

E 3 lider di oposicion a pidi gobernador pa intermedia pa haya tur e ...

caso labamento placa

Saconan di placa di labamento bashando fei zolder

Den 10 container di e compania local Arubras e placa, husticia ta kere un ...

dolfi.JPG

SMAC a culpa KPA, KPA a tire culpa bek den scochi di SMAC

Via di un comunicado Dolfi Richardson hefe maximo di polis a informa locual a ...

7 ilegal gara riba boto na Baby Beach

Diamars anochi e radar di Warda Costa a detecta movecion pazuid di Baby Beach. ...

Lidernan di cuater partido a gradici KvK pa organisa debate politico

Dialuna ultimo, Camara di Comercio di Aruba (KvK) a organisa un conferencia di prensa ...