Riba diahuebs mainta, dia 6 di juni, gobernador di Aruba, su excelencia Alfonso Boekhoudt a entrega condecoracion real na Diana L. Antonette (Ridder in de Orde van Oranje-Nassau), Greg M. Peterson (Ridder in de Orde van Oranje-Nassau), R.I. Kan (Lid in de Orde van Oranje-Nassau) y L.F. Schmidt (Lid in de Orde van Oranje-Nassau).
E entrega aki ta den cuadro di Condecoracion Real (Lintjesregen) anual cu a tuma luga riba diabierna 26 di april ultimo. Pa via cu e condecoradonan menciona no por tabata presente riba e fecha concerni, nan a ricibi awor nan condecoracion real for di man di gobernador.
