E gobernadornan opositor, eligi den e eleccionnan regional di 15 di october, lo discuti riba e pregunta si nan lo huramenta o no dilanti di e fraudulento asamblea nacional constituyente, ya cu esey tabata e impedimento pa huramenta dilanti e consehonan legislativo di cada estado.
E gobernador di Táchira, Laidy Gómez a informa den rueda di prensa cu e lo biaha pa Caracas pa scucha opinion di otro gobernadornan eligi, tocante ki decision pa tuma encuanto e huramentacion dilanti e asamblea constituyente ilegitimo.
E encuentro di e gobernadornan opositor lo tin como obhetivo tuma un decision colectivo, tumando na cuenta e posicion di sociedad Venezolano.
Oposicion a gana eleccion regional den cinco estado: Zulia, Táchira, Nueva Esparta y Mérida, den cualnan por ripiti e proceso electoral si nan no huramenta dilanti di e asamblea constituyente.
Di su banda, presidente Nicolas Maduro a menasa esunnan cu nenga huramenta dilanti e Constituyente, cu nan por termina den prizon.
