Gobierno a dicidi di cubri landfill na forma responsabel

ORANJESTAD – Desde prome di februari a inicia e di dos parti di remediacion di Parkietenbos. Minister di Infrastructura y Desaroyo Teritorial, Otmar Oduber a splica cu e decision cu gobierno a tuma ta pa ‘cap’ e landfill. Lo percura pa baha e sero di sushi cu tin actualmente te na mas o menos 14 pa 16 meter y pa despues tapa esaki na un forma responsabel.

Consecuentemente den futuro lo no ripara mes cu e sitio tabata un dump anteriormente. Al contrario, lo por uza e tereno e ora ey pa diferente otro meta y/of desaroyo. Di e forma aki ta soluciona un di e problemanan di mas grandi cu tin riba e isla ya pa hopi aña caba. Lo enfoca riba e aspecto aki pa logra cu pa cuminsamento di e ultimo kwartaal di aña, por firma acuerdo cu e compania cu lo mester inicia cu e trabounan pa ruim op ‘sanea’  Parkietenbos.

E proceso cu ta guiando na e momentonan aki pa loke ta trata maneho di desperdicio, ta e  prome parti di e proceso a encera cu a tene e Request For Proposal (RFP) pa e parti di e incinerator. Pa esaki a haya participacion di 27  diferente compania di diferente pais cu a inscribi. E companianan aki awor ta preparando nan mes pa dia 14 di april haci entrega oficial di nan proposicionnan cu lo wordo evalua.

E di dos parti cu ta encera remediacion di Parkietenbos ta inicia prome di februari 2019. Esaki kiermen cu e siman aki lo publica e prome ‘teaser’ pa locual ta trata RFP pa e proceso di remediacion di Parkietenbos. E RFP mes lo keda publica 15 di februari, habriendo e destaho publico pa remediacion di dump Parkietenbos, Minister Oduber a splica.

Pa conclui Minister Oduber a enfatisa cu e noticia aki sigur ta un anuncio grandi y importante pa e area rond di dump, considerando e implicacionnan cu el a nifica pa salud di esunnan cu ta habita den e area pero tambe pa medio ambiente en general pues henter Aruba tambe.

You May Also Like

Mayoria di trahadonan cu limitacion no tin un contract

Segun cifra oficial, alrededor di 8 mil persona cu algun tipo di limitacion ta ...

CAft: Implementacion di Protocol necesario pa finansa publico sostenibel

ORANJESTAD – Riba dia 22 november 2018 a keda acorda un protocol entre Aruba ...

image.jpeg

Dos homber arma a drenta Peking restaurant pa atraca Y bay man bashi

Dialuna prome cu 11 or di anochi dos homber color scur a drenta Peking ...

Departamento di Salud Publico: Alerta pa caso di sarampion confirma biahando for di Aruba

ORANJESTAD – Recientemente a sali publica un alerta di salud, dia 18 di maart ...

reclassering.jpg

“Trayecto Siña Traha” a sobrevivi pa un aña mas

E proyecto conoci como “Trayecto Siña Traha” a logra sobrevivi pa a lo menos ...

Wardando cambio riba ROP pa proyecto Isla di Oro continua

Riba e proyecto di desaroyo di un proyecto di eco-turismo na Isla di Oro, ...