Gobierno a presenta un masterplan pa San Nicolas

ORANJESTAD – Durante un conferencia di prensa ayera mainta, minister Dangui Oduber, mandatario encarga cu Turismo, a expresa su disgusto na e manera cu ta uza NGO pa haci politica rond di e tema di proyecto hotelero y desaroyonan pa San Nicolas.

“Nos ta lamenta cu prome cu e plannan a inicia, bo ta haya NGO’s ta cuminsa cu un campaña negativo pa un desaroyo na San Nicolas. Tur hende ta consciente di e necesidad di desaroyo pa San Nicolas”, Oduber a expresa den un tono serio, segun un comunicado di prensa ricibi pa Bon Dia. Segun e comunicado, ta trata aki di un NGO’s cu di forma publico y habri a demostra nan sosten pa e gabinete anterior di AVP. Oduber ta splica cu esaki no ta un plan nobo ni ad hoc di e gobierno aki, sino algo cu tin den desaroyo pa mas cu 20 aña. “Awe cu ta apenas papiando di un posibel desaroyo na San Nicolas, di biaha bo ta haya e NGOnan aki para den rij pa stop un desaroyo cu lo beneficia San Nicolas”, e mandatario a bisa.

Oduber ta pone enfasis cu e proyecto di hotel ta forma parti di un plan integral pa desaroyo na San Nicolas. “E plan cu nos (gobierno) tin no ta solamente hotel. Tin henter un master plan pa nos porfin duna San Nicolas e atencion cu e merece. Nos a anuncia recientemente cu nos lo bay drecha e infrastructura di Baby Beach. Nos a bisa cu nos ta bay drecha e canchanan deportivo y percura pa nan mantene nan. A bisa cu ta bay trece mas actividad pa San Nicolas, pa asina percura cu e turista ta bin akinan. Ta bay crea espacio pa parkeer, cual no tin na e momento aki. A informa comunidad cu nos ta bay drecha e piernan na Rodger’s Beach, y ademas lo drecha e infrastructura, como tambe crea un facilidad nobo eynan”, Oduber a sigura.

Finalmente, e mandatario a splica cu e idea ta pa gana confiansa di e comerciante, pa nan kere den e plan integral aki y asina inverti den desaroyo di San Nicolas. Como minister encarga, conhuntamente cu demas colega minister, ta trahando riba pasonan firme pa San Nicolas por haya finalmente un desaroyo husto, cu ta bale la pena y no ta bay laga campaña y comentarionan negativo di un NGO politicamente motiva stroba e desaroyo aki.

“Keda sin haci nada pa San Nicolas no ta un opcion mas. San Nicolas tin tur e potencial pa haya su parti husto den e desaroyo di nos pais.”

 

You May Also Like

Acc fatal hooiberg supermarket (2).JPG

Hoben di 22 aña ta fayece despues di accidente cu auto

Diaranson marduga pa mas o menos 12:55 Central di Polis ta haya un melding ...

Gobierno ta traha pa amplia reconocimento di diploma di afo

Ayera na Renaissance Convention Center a tuma luga e EduCanada fair. Tanto studiantenan como ...

Sushedad formando peliger pa naturalesa

Redaccion di Bon Dia Aruba a tuma nota cu tin varios sitio cu ta ...

insel air veredicto.jpg

Departamento di Aviacion a conduci inspeccion riba avionnan di InselAir

E Departamento di Aviacion  ta conduciendo un inspeccionnan di rutina riba  cuater di e ...

Minister di Economia: ‘Dificil pa gobierno remedia situacion di edificionan bashi’

  “E maneranan cu gobierno por interveni den propiedadnan priva di hende ta hopi ...

Atraco riba chauffeur di taxi na South Beach practicamente soluciona

E atraco arma riba e chauffeur di taxi na South Beach Mall riba 26 ...