Na varios ocasion gobierno di Aruba a menciona e criterio internacional cu Fondo Monetario Internacional ta maneha pa gasto di personal, relaciona cu Producto Interno Bruto (PIB; GDP) di un pais. Pa pais en general, pero sigur den e categoria di Aruba, ta recomenda cu gasto di personal no mester surpasa 10% di GDP nominal. Na e momento aki Aruba no ta cumpliendo cu e criterio ey. Pa e ultimo a├▒a pa cual tin cifra (preliminar) conoci, 2021, GDP nominal di Aruba tabata Afl. 5.596 miyon, mientras cu no tin un cifra sigur conoci pa e gastonan total di personal.

Esey ta relaciona cu e hecho cu gobierno ta presenta cifra di gasto di personal cu no ta duna e panorama completo di tur gasto di personal, incluyendo gasto di salario subsidia. E cifra a base di cual gobierno ta comunica den cuadro di e supervision financiero (CAft y gobierno di Reino) ta solamente e gastonan di personal di e empleadonan di e ministerionan. Den un analisis haci na 2019, riba peticion di gobierno di Aruba mes, IMF a presenta un panorama completo di tur gasto di personal di gobierno, unda a resulta cu na a├▒a 2018, e a├▒a di cual a analiza e cifranan, e gastonan total di gobierno tabata Afl. 605 miyon, incluyendo e sector di ense├▒anza subsidia. Sin embargo, si inclui tambe e demas entidadnan subsidia (fundacionnan p.e.), e total di gasto di gobierno ta yega na Afl. 677 miyon. Esaki pa e a├▒a ey tabata 51% di e gastonan total di gobierno.

Si awor gobierno ta bisa cu nan ta desea di cambia pa e sistema cu IMF , esey ta bon idea, pero nan mester adapta nan splicacion consecuentemente. Esey ta implica tambe cu na 2018, a├▒a evalua pa IMF, e 677 miyon florin a representa 51% di e gastonan total di gobierno. Esaki ta duna un vista diferente riba e relevancia, y peso, di e payroll completo di gobierno. Na 2018, cu un GDP nominal di Afl. 5.732 miyon, e porcentahe di gasto di personal a yega na 11,8% di GDP nominal.

Esaki ta e cifra cu mester mehora ainda, mientras cu, manera menciona, pa 2021 no tin un cifra conoci pa e gastonan total di personal. E cifranan di gasto di personal cu Banco Central ta mustra den su Annual Statistical Digest 2021 ta yega na un total di Afl. 547.8 miyon, loke ta menos di 10% di e GDP 2021, cu ta Afl. 5.596 miyon. E ta considerablemente mas abao tambe cu e cifra di Afl. 677 miyon cu a resulta for di e investigacion di IMF na 2019 riba e cifranan di 2018. E diferencia aparentemente ta den e suma di e gastonan di subsidio, unda pa 2018 Banco Central a nota solamente Afl. 126 miyon pa subsidio di salario, bastante menos cu e Afl. 172 miyon cu IMF a bin topa den nan analisis. E diferencia por ta den e metodo usa, unda pa un of otro motibo no tur gasto di personal, probablemente den e gastonan di subsidio, ta aparece den e cifranan di Banco Central, loke por ta e caso tambe pa e a├▒anan despues.

LEAVE A REPLY

Please enter your comment!
Please enter your name here