(NTN24) – Presidente Colombiano Gustavo Petro y su partido, Pacto Historico, a descarta e proyecto di ley cu tabata pretende reforma e manera di haci politica na e pais.
A traves di su cuenta e Twitter, e mandatario a sostene cu “e reforma no ta aporta na un avance den e calidad politico” na Colombia.
“Mi ta kere cu den e reforma politico no ta keda ningun tema progresista. Sin listanan cera, kiermen cu lo permiti igualdad di stoel pa hende homber y hende muhe y sin financiacion estatal di e campañanan, e reforma no ta aporta na un avance den calidad di e politica,” el a afirma.
E anuncia di Petro a tuma luga despues cu e solicitud di pacto Historico, den cual a franccion di congresistanan a pidi na hefe di Estado pa warda den lachi e iniciativa cu tabata den proceso na Congreso.
Mediante un comunicado, e coalicion a afirma cu durante e proceso di reforma den legislativo, “a keda demostra e falta di boluntad politico di parti di algun fraccion pa modifica e reglanan di e wega.”
Asina mes, a detaya cu “politikeria a destrui e aspiracion di e proyecto” cu tabata den proceso for di aña pasa na Congreso.
Di otro banda, e movemento ta argumenta cu “e texto di e reforma politico e dia di awe ta totalmente diferente, pasobra tin varios disposicion cu ta wordo considera como problematico.”
Pa cu esaki, algun figuranan politico di posicion na Colombia a pronuncia ora Petro a haci e anuncio y a mira di un bon manera e determinacion. “sikiera e presidente Petro ta apoya nos disposicion di trek e reforma politico,” e senador di Centro Democratico, Paloma Valencia a bisa.
