Situacion na Corsou no ta di gaba , gobierno ta cobrando tur loke ta atrasa. Pa un persona habri un negoshi na Corsou e mester di diferente permit y un di e permisonan aki cual ta keda otorga pa Ministerio di GMN ta Permit di Molester of Hindervergunning.

E Ordenansa di Molester (Hinderverordening) ta stipula cu tur
actividad cu tin consecuencia pa medio ambiente (Milieubelastende activiteit) ta rekeri
un Permit di Molester.

Ultimo añanan e cobransa di leges di Permit di Molester no tabata eficiente y esaki a conduci na un retraso. Pero un proyecto pa haci e cobransa mas eficiente cu a keda ehecuta durante maneho di Minister Pietersz- Janga a aumenta e entradanan di leges pa gobierno considerablemente. A inicia e proyecto di cobransa na september 2021. Tambe ta cobrando leges cu for di 2017 no a keda paga.

Tur persona of entidad cu tin un Permit di Molester tene cuenta cu e suma di
Ang. 200,00 di leges pa e permit aki mester keda paga tur aña. Ta prohibi pa haci
cualkier actividad cu tin influencia negativo riba medio ambiente sin un Permit di
Molester. Momento cu no tin e permit aki ta core e riesgo cu autoridad ta para
operacion di e entidad. Cobransa efectivo di tur leges ta aumenta efectividad di gobierno
y duna Ministerio di Finansa espacio pa haci mas pa comunidad. Banda di e aspecto di
cobransa mas eficiente Minister lo bini tambe cu trayectonan pa baha gasto den su
ministerio.gobienro di Corsou ta den e proceso di baha gasto pero tur pago cu ta atrasa mester keda atendi tambe pa asina tin placa den caha di gobierno.

LEAVE A REPLY

Please enter your comment!
Please enter your name here