Gobierno lo atende cu CAft riba pago di reparatietoeslag pa pensionadonan

ORANJESTAD – Hecho cu gobierno di coalicion (AVP-POR-RED) a dicidi pa e pensionadonan keda cu e reparatietoeslag di 125 florin, cu inicialmente un grupo di pensionado no tabata hay’e, ta un asunto cu mester atende pronto cu e colegio di supervision finananciero CAft.

Minister di finansa y asunto economico, Xiomara Ruiz-Maduro a laga sa cu e decision tuma diabierna ultimo pa sigui paga e reparatietoeslag di 125 florin na tur pensionado -sin haci distincion entre ken ta haya mas of menos- e no ta kere cu esaki lo tin consecuencia riba e acuerdo cu gobierno tin cu CAft pa loke ta e bahamento di gastonan for di presupuesto 2019.

E no ta descarta cu den su prolongacion, gobierno lo por haya cu CAft lo bati nan porta y duna un comentario riba e decision aki, ya cu e ta algo cu no a wordo presupuesta. Pero poniendo e situacion den contexto –segun e mandatario- CAft mester compronde cu como gobierno nan mester di espacio financiero pa por traha den e pais aki. Y e ta sigur cu ora e momento yega, nan como gobierno lo sa di dialoga cu CAft riba e asunto aki.

El a agrega cu e gobernacion di e pais aki tin como tema central e hendenan. P’esey ora cu nan a tuma e decision pa paga tur pensionado e reparatietoeslag sin kita nada -pero teniendo na cuenta e retonan administrativo- nan ta haya cu no por perhudica e hendenan pa cumpli cu e reglanan di CAft. El a señala cu esaki a sosode debi na foutnan presenta den nan sistema administrativo. E ta un fout cu no a bin awor, sino cu e tabata existi caba, y e ta un reto cu como gobierno nan mester a trata cune, segun e mandatario. Na su debido tempo nan lo trata cu CAft tambe ariba e situacion aki. Pero den e contexto cu gobierno di Aruba mester tin espacio pa por traha na beneficio di nos pueblo.

Gobierno y CAft
E mandatario ta reconoce cu for di cu na aña pasa nan a introduci e crisisheffing, caminda nan a dicidi duna 25 florin extra pa compensa esaki, nan a bin cu un cambio riba pagamento di e reparatietoeslag di 125 florin pa nos pensionadonan, y e implementacion aki mester a tuma luga.

Esakinan considerando –segun e mandatario- cu den e reforma fiscal e pensionadonan ta haya cosnan extra tambe. Nan a baha e prima di AZV cu e pensionadonan ta paga di 10.5% na 6.5%. Tambe e aña aki e pensioen di behes ta subi cu 42 florin pa pareha casa y 25 florin pa pensionado soltero pa luna adicional. Sinembargo corectamente, Banco di Seguro Social (SVb) cu ta maneha e fondo di pensioen a bati e bel y pidi gobierno aclaracion riba e asunto aki. E mandatario a indica cu e retonan administrativo a haci cu mester por a tuma un decision pa no crea e discriminacion den caso cu SVb lo ehecuta e decision di gobierno. Mirando e decision cu gabinete Wever-Croes a tuma recientemente pa tur pensionado sin excepcion sigui haya e reparatietoeslag di 125 florin, lo haci cu gobierno ‘tin cu busca e fondo aki cu no a wordo presupuesta,’ asina minister Ruiz-Maduro a declara.

Un biaha mas el a referi na e situacion di deficit financiero cu nan a hereda for di e gobiernonan anterior (Mike Eman I-II), nan ta haciendo awor un esfuerso pa recupera nos pais for di dje. Den cuadro di esaki, e mandatario Ruiz-Maduro a bisa cu nan splica CAft, y tambe e siman aki nan lo bolbe splica na minister Hulandes di asunto di reino, Raymond Knops, e situacion aki.

E ta un asunto cu tambe gobierno lo trata cu e bishita cu prome minister di Hulanda, Mark Rutte a realisa nos isla ayera. Segun e mandatario, nan a yega di trece e asunto aki cerca e vice presidente di Raad van State, Thom de Graaf, caminda nan a bis’e cu Aruba tin mester di espacio pa asina gobierno por traha riba solucionnan. Ya cu e daño financiero cu nan a hereda ta ‘hopi grandi’ cu lo tuma te aña 2039 pa solucion’e debidamente.

You May Also Like

panama papers.jpg

Esakinan ta e companianan y personanan Arubano menciona den Panama Papers

SGG Management, bufete di abogado Croes Wever Tchong, Alejandro Lovera, IMC International & Trust ...

A3 6feb AZV procedura pashent afo Br.jpg

Caso di baby cu problema di salud tin debido atencion di AZV y specialistanan

E caso di e baby di apenas dos luna bieu cu ta confronta  complicacion ...

Vice minister Colombiano di Relacion Exterior lo bishita nos isla pa un dia so

Informacion di fuente diplomatico ta indica cu dia 17 di mei venidero un delegacion ...

Firma cao triple A y sta (1).JPG

A pesar di tur dificultad pa firma CAO nobo: Trahadonan di aeropuerto no tabatin mester bay den accion

Un biaha mas diaranson atardi gerencia di Aeropuerto (Triple A)  y dirigente di sindicato ...

Contra conseho DIP y DOW: 7 tereno den saliña na Malmokweg otorga

7 tereno den saliña cu ta area proteha (wetlands) y asina destina den ley ...

image.jpeg

Dojo Konishi JKR a hasi entraga di certificado y faha na 28 alumno

Riba diasabra 18 di juni 2016, Dojo Konishi JKR tabata di fiesta mirando cu ...