Gobierno Mericano a lansa un operacion anti-narcotico sin precedente dilanti costa Venezolano. Presidente Trump a anuncia esaki diaranson pasa, argumentando cu no lo permiti cu dictadornan di America Latino ta probecha di e coyuntura di coronavirus pa pasa droga pa su teritorio.
E operacion naval anti-narcotico lo tuma lugar cerca di costa Venezolano, algun dia despues cu a declara Maduro como cabez di un cartel di droga cu ta purba inunda Merca cu cocaina.
“Den cooperacion cu 22 nacion aliado, Comando Sur lo aumenta vigilancia y interceptacion di droga,” e mandatario a declara, ken tabata acompaña pa varios funcionario halto di su gobierno, manera Secretario di Defensa, Mark Esper, y consehero di Seguirdad Nacional, Robert O’Brien.
“Nos ta desplegando unidadnan naval y di vigilancia aereo, plenamente equipa, duplicando nos capacidad di accion,” Trump a declara. Ademas el a sigura cu e plan ta responde na e necesidad di protege Estadonan Uni di e cartelnan di droga.
Di su parti, Mark Esper a declaracue regimen di Maduro ta financia su mes mediante trafico di droga y cu e medidananta pa “evita cu e droga ta yega costa Mericano”.
Mientras tanto, general Mark Miller a anuncia cu miles di militar, tropa naval, barco destructor, barco di combate, avion y helicopter ta involucra den e accion. “Nos ta na guera cu e cartelnan di droga,” Miller a expresa.
Gobierno interino di Venezuela a reacciona riba e medidanan anuncia pa Mera, bisando cu a ricibi e anuncio como “un accion positivo pa frena e rednan narcoterorista” di regimen di Maduro.
Den un comunicado publica riba Twitter embahada di Venezuela na Merca, e gobierno interino a sigura cu accion hudicial y operativo tabata necesario pa lucha contra “esnan responsable di narcoterorismo riba continente Americano”.
