Gobierno ta pidi Citgo reconsidera decision pa ‘slow down’ operacionnan

Gobierno ta haciendo un apelacion na Citgo pa reconsidera nan decision di ‘slow down’ nan actividadnan di rehabilitacion di e refineria anto mantene tur trahado. Tambe gobierno a duna instruccion pa no duna permiso pa retira trahadonan.

“E momento cu Citgo a anuncia un slow down e ta literalmente un death blow pa nos,” minister di labor Glenbert Croes (MEP) a expresa ayera. E mandatario a tene un reunion cu mediador di gobierno, sindicatonan y refineria di Aruba pa loke ta trata e ultimo desaroyo di Citgo unda cu el a bisa el a uza e mesun palabranan aki. Minister Croes a bisa cu a raiz di e decision cu Citgo a anuncia unda cu nan ta bay un slow down y kita mas di 300 hende for di trabao, ayera mainta tabata tin un problema cu trahadonan pa via di esaki.

“E trahadonan tin nan rason. Obviamente e preocupacionnan cu nan tin pa locual ta nan pan, nan salario y famia, tur nan compromisonan. Unda awor atrobe basicamente nos ta na discusion riba e futuro di e refineria”, e mandatario a expresa. Un reunion lo wordo organisa cu tur contratista y sindicatonan pa mira kico mester haci pa defende contratistanan/trahadonan local. Esaki lo trata tambe sugerencianan riba kico mas por haci cu Citgo como gobierno pa asina apela nan obligacion pa continua cu e proyecto manera planifica. Y tambe mas importante pa mustra su ‘buena fe’ cu nos pais, segun minister Croes.

Compromiso cu Aruba

Ayera mainta 10’or minister di Labor a reuni cu Citgo y gobierno a fiha un postura pa no kita trahadonan. “Trahadonan y contratistanan tin derechonan y mester por defende esakinan por locual tambe mi a tuma e decision cu mi a manda por escrito departamento di labor, unda mi a instrui nan pa no otorga ningun permiso di retiro pa ni Citgo ni su contratistanan retira ningun trahado.”

Gobierno pues a solicita na Citgo pa reconsidera nan decision pero no ta conoci ainda si Citgo lo a acepta/cumpli cu e apelacion aki di gobierno. “Nos a cumpli cu Citgo y esaki ta momento cu Citgo mester demostra compromiso cu nos pais. Nos a solicita nan respetuosamente pero den forma contundente cu nos kier pa nan reconsidera nan decision pa asina nan continua cu e proyecto, trabaonan y mantene contratistanan. Pa asina tambe nan demostra nan buena fe cu e gobierno nobo aki.”

E mandatario a expresa cu si Citgo tin 100 miyon dollar pa inverti durante gobierno di AVP pa inicia proyecto, no por bisa cu un compania petrolero multi biyonario manera Citgo no tin fondo disponibel pa continua cu proyecto aki. “Esaki no ta e momento pa keha bashi”, minister Croes a expresa.

You May Also Like

STA ta spera cu awe por yega na otro cu gerencia di Astec

Diadomingo ultimo riba dia nacional di Himno y Bandera, sindicato STA conhuntamente cu nan ...

‘Lo bay parlamento pa informa riba negoshi di tereno di escala hopi grandi’

Den despedida di gobierno anterior, cantidad di tereno den area di naturalesa a keda ...

Minister y DOW satisfecho cu test di plateau di asfalt menos costoso cu klinkers

ORANJESTAD – Manera ta conoci, tin gran cantidad di peticion di parti comunidad pa ...

No tur 83 solicitud pa bende klapchi lo haya permiso

Vocero suplente di cuerpo di polis (KPA), Liliana Rasmijn a anuncia cu a pesar ...

corte.jpg

18 persona sentencia pa falta di cumplimento inkomsten belasting

Final di januari ultimo, casi 20 sospechoso a wordo sentencia cu boet durante un ...

Min Dowers hoben criminalidad Br.jpg

Minister di Husticia: 15 miyon extra pa criminalidad

E presupuesto 2018 di Husticia ta keda casi mescos cu a aña pasa sinembargo ...