Un herment di Google nobo pa celularnan Android y iPhone ta yuda bo busca un cantica di formanan no convencional.

Awo por fluit, canta, of ‘hum’ un cantica den bo celular. E tecnologia pa match tono na un base di data di canticanan identifica a traves di canta, ‘hum’ y fluit – na luga di door di e letranan so – ta existi pa mas cu un decada, y tabata fiho den e app di musica SoundHound cuminsando na 2009.

Pa cuminsa usa e herment nobo di Google, gara bo celular y habri e version mas recien di app Google of e Search Widget di Google. Despues, tap e icono di microfon y bisa ‘what’s this song?’. Tambe por tap e boton di ‘Search a song’. Finalmente, cuminsa canta, fluit of ‘hum’ e cantica pa haya bo resultadonan.

Si bo ta usando Google Assitant, djis bisa ‘Hey Google, what’s this song?’ y cuminsa canta e cantica. Google lo mustra bo e resultadonan mas probable basa riba e melodia cu bo a canta. Por selecta e cantica pa scuch’e y mira si ta esun cu bo tabata busca.

Google a anuncia e caracteristica nobo diahuebs y a cuminsa lansa esaki globalmente na usuarionan di iPhone y Android.