(NLTimes) – Un cantidad sorprendente di muchanan recientemente a keda infecta cu bruela. Research Institute Nivel a anuncia cu 4 di 5 mucha lo infecta cu bruela e aña aki compara cu e prome lunanan di aña 2021, basa riba datonan general.

E resultadonan di e investigacion principalmente ta inclui muchanan entre e edad di 0 pa 4 aña, sinembargo muchanan entre edad di 5 pa 15 tambe ta afecta. E malesa ta hopi mas comun compara cu 1 aña pasa, muchanan den e grupo di edad aki ta birando malo cu e malesa 2 biaha mas lihe.

Nivel ta calcula cu esaki por ta parcialmente pa causa di e efecto ‘catch up’ di e añanan di pandemia recien. Pa causa di tur e medidanan di Covid-19, ceramento di scol y reglanan di distanciamento social, varios otro malesa rarabes a tuma luga den aña 2020 y 2021. Cu e relahamento di e restriccionnan na comienso di e aña aki, e malesanan aki tin mas oportunidad di plama.

Awo tin mas o menos 150 caso confirma di bruela pa cada 100,000 habitante tur siman entre e muchanan mas hoben. E investigadornan a usa datonan mas tanto di dokternan di cas. Varios mayor tambe ta permiti nan yiunan bira malo na cas sin asistencia di e dokternan.

Bruela ta causa pa un virus. Usualmente e ta un malesa cu no ta dañino, sinembargo complicacionnan serio por surgi den ocasionnan menos comun. En general, muchanan mas tanto ta haya balanan riba nan curpa cu ta pica. Adultonan cu haya bruela ta na un riesgo mas grandi.

Pediatranan a conta Volkskrant riba diaranson cu nan a mira mas mucha infecta cu e grupo A di e bacteria streptococcus recientemente. Bruela por aumenta e chens di haya e tipo di infeccion aki. E tipo di bacteria aki usualmente no ta causa daño, sinembargo den casonan menos comun tambe por causa complicacion.

LEAVE A REPLY

Please enter your comment!
Please enter your name here