(NLTimes) – Ombudsman di muchanan Margrite Kalverboer a trece dilanti e problemanan cu transport pa studiantenan na Pointer su programa riba diadomingo.

El a sugeri pa tin mas escolta den bus cu por cuida di e muchanan, algun di nan kende actualmente ta lidiando cu oranan largo den vehiculo yen y pega den trafico. Pa medio di agrega mas persona cu training pedagogico, cual hopi biaha chauffeurnan di bus no ta, por yuda mantene pas den e busnan, Kalverboer a splica. Esaki por sigura cu muchanan ta yega scol cla pa siña na luga di mentalmente cansa caba di e biahe.

“En realidad, practicamente mi solamente ta mira casonan unda cu transport ta dañino pa e desaroyo di e mucha, asina tanto cu nan no ta desenvolve bon na scol,” Kalverboer a conta Pointer. El a bisa cu e ta ricibi keho di mayornan regularmente.

Sinembargo, e solucion aki no lo ta necesario tur bus. El a sigui splica cu “si e grupo di muchanan ta hopi grandi, of si e composicion di e muchanan no ta bay bon cu otro, eora simplemente mester pone un persona den e bus cu no ta concerni cu e trafico sino cu e muchanan.”

Esaki lo ta e responsabilidad di municipalidadnan pa organisa cu e mayornan e Association of Dutch Municipalities (VNG) no ta contra di esaki. “E condicion ta cu e municipalidadnan lo mester ricibi fondo pa porcubri e costo asocia cu e solucion aki,” un vocero a declara na Pointer.

LEAVE A REPLY

Please enter your comment!
Please enter your name here