Gran Bretaña: Plan pa evacua Reina Elizabeth den caso di disturbio Brexit

Funcionarionan di gobierno Britanico a reactiva plannan di emergencia di tempo di guera friu pa realoca famia real den caso di disturbionan serio na Londres, si e pais hay’e confronta cu un salida repentino y violento di Union Europeo, dos corant di diadomingo na Londres a publica.

“A plannan di evacuacion di emergencia ta existi di tempo di guera friu pero awor nan a surgi atrobe den caso di disturbio ciudadano despues di un Brexit sin un acuerdo cu UE,” Sunday Times a bisa, citando un fuente no conoci di e Oficina di Gabinete di gobierno, cu ta maneha asunto sensitivo di gobierno.
The Mail on Sunday tambe a bisa cu nan a haya di tende cu tin plan pa move e famia real, incluyendo Reina Elizabeth, pa un luga sigur pafo di Londres.

Na januari, den un discurso anual di e Reina, cu tin 92 aña, na un grupo di hende muhe tabata ampliamente interpreta como un yamada na politiconan pa yega na un acuerdo tocante Brexit.
Jacob Rees-Mogg, Un parlamentario conservador cu ta fiel apoyante di Brexit, a conta The Mail on Sunday cu e ta kere cu e plannan a mustra panico innecesario di e funcionarionan tocante un Brexit sin acuerdo, pasobra miembro di cas real a yega di keda Londres den tempo di bombardeo durante segunda guera mundial.

Pero Sunday Times a bisa cu un ex-oficial di polis formalmente encarga cu proteccion real, Dai Davies, tabata anticipa cu Reina Elizabeth lo ser evacua di Londres si lo tin disturbio. “Si lo ta bay tin problema na Londres, claramente lo bo move e famia real bay otro sitio,” Davies lo a bisa.

You May Also Like

yiu y mama morto

Mama y yiu muhe (16) haya morto bou cas Lelystad

Polis a haya e curpanan di un mama y su yiu muhe di 16 ...

TBO a realisa varios buskeda na Sint Maarten y Corsou

PHILIPSBURG –  E interes di e investigacion criminal cu ta andando “Larimar” E grupo ...

160805233225-15-rio-olympics-opening-ceremony-0805-super-169.jpg

Rio ta cla pa haci Historia

Renacemento y Regeneracion. Esey tabata e mensahe tras di e ceremonia vibrante cu a start ...

Brussel ta bisa Hulanda y otro paisnan EU pa stop cu dunamento di visa di oro

AMSTERDAM – Recientemente e comision di Europa ta urgiendo Hulanda y 22 otro paisnan ...

Embahador Venezolano na Nacionnan Uni Rafael Ramirez a desmenti su destitucion

(ElNacional/Reuters).  – E agencia internacional di noticia Reuters a informa diamars pasa cu e ...

Abogado di ex-presidente Martinelli a entrega su mes pa polis

Diaranson Evelyn Vargas, cu ta abogado di Ricardo Martinelli a entrega su mes na autoridad ...