Concierto virtual di Marshmello riba Fortnite

Hasta si bo no ta un fanatico di musica electronico, y nunca a scucha di e productor di EDM Marshmello, e concierto en bibo den e wega Fortnite tabata un bista sorprendente – como tambe un momento sin precedente pa videowega. El a sinti como un mira den futuro di entretenimento interactivo, unda e mundo di gaming, musica y celebridad a combina pa crea un experiencia virtual unico.

Dia dos di februari pa 2pm, cada un di e decenas di miyones di hungadonan a wordo transporta na un escenario virtual. Eynan, Christopher Comstock – kende ta uza e nomber di DJ Marshmello y ta conoci pa su helmet – a cuminsa un mini-set di 10 minuut, mientras un maximo di 60 hungadonan den miles di match individual por a asisti na e concierto. Epic Games a lansa un game mode special pa e show.

Pa sigura cu tur hende por a disfruta, Epic a permiti hungadonan pa ‘respawn’ si nan wordo saca pa un enemigo grosero, y hasta a deshabilita armanan durante e evento, pa asina sigura cu tur hende por a mira e show.

Y e tabata impresionante. E escenario tabata decora cu hologramanan gigante di personahenan di Fortnite, mientras un set special di graficonan tabata pasa patras di e avatar di Marshmello. Na cierto momentonan, coincidiendo cu e cambionan den e musica, e escenario tabata cambia su centro di gravedad, y e hungadonan tabata wordo lansa den espacio y hasta por a flota.

E concierto a tuma luga na Pleasant Park den e wega, y el a wordo anuncia pa basta dia, hasta apareciendo riba e poster di tour di Marshmello. Epic a lansa un skin, glider y emote di Marshmello, hunto cu un aventura pa hungadonan por a gana premionan special.

Maske ta obvio cu e concierto a resulta den ganashi pa Epic mediante benta di skin y emote, te awo, e concierto ta sinti como un evento unda Epic por a luci su mes y eleva expectativanan pa kico precies un mundo bibo y persistente di wega por haci.

You May Also Like

6a42660066640d44c5a9b27e6216944d86f733d9ec91932dd43dfd33e44f0b32_3790591.jpg

Team Venezolano di futbol a wordo atraca na caminda pa cas

Un team di futbol Venezolano a wordo atraca dor di hombernan cara tapa cu ...

cf5d7793b397e4e4bc16bc9ecf1574cd.jpg

Guera na Iraq no tabata necesario, Saddam Hussein no tabata un menasa

E invasion di Iraq 13 aña pasa no tabata hustifica, e tabata mal planea ...

Dos mil hende evacua pa posibel avalancha

Diaranson dos mil persona a ser evacua pa precaucion na centro di Colombia pa motibo ...

Etienne Ys tin speransa cu Insel Air lo keda rescata

WILLEMSTAD – Desafortunadamente, InselAir a haya obliga pa cancela su vuelonan di siman pasa ...

5 hende victima di un tiramento durante festival di musica na Mexico

Dialuna marduga a sucede un tiramento durante un famoso festival di musica electronica na ...

rtsbdhs-1-736x414.jpg

Obama a yega Cuba pa un visita historico

Barack Obama ta bira e prome presidente americano pa bishita Cuba desde 1928 mientras e ...