Un conferencia di remedi na Italia ta anuncia un marca nobo pa sobredosis di opioid. “Tene naloxone pa salba un bida” tabata e slogan di e compania cu ta fabrica e opioid cu mas exito, ‘OxyContin’.

“E negoshi di bende remedi cu ta causa adiccion y sobredosis awo ta haciendo negoshi pa bende remedi pa trata adicion y sobredosis”, Dr. Andrew Kolodny, un critico a testigua contra e compania den corte.

Mientras Purdue Pharma ta prepara pa un montaña di litigacion y protesta publico na Merca, su afiliado stranhero, Mundipharma, a expande den exterior, uzando algun di e mesun tactica pa bende e opioidenan adictivo cu a haci su doñonan, e famia Sackler, un di e mas rico di mundo.

Mundipharma tambe ta impulsando otro strategia na nivel mundial. For di Europa te Australia ta trahando pa domina e mercado di tratamento di sobredosis di opioid.

Director ehecutivo di New Zealand Drug Foundation, Ross Bell, a bisa cu e forma con nan a pusha opioid inicialmente y pa awo ta bin cu antidoto mas caro, ‘ta algo cu ta parce profundamente cinico’. Bell pa largo a boga pa mas disponibilidad di naloxone.
Naloxone inyectabel pa largo ta disponibel; e ta generico y barata. Pero e Nyxoid di Mundipharma ta e prome den varios pais cu ta pre-paketa como un spray nasal – un forma mas facil y menos menasanta pa esunnan cu ta mira un sobredosis interveni.

E demanda ta acusa Purdue di identifica nan mesun pashent di analgesico como un mercado obhetivo pa naloxone y por uza su personal di benta cu ya caba ta bishitando dokter pa promove opioid pa tambe promove remedi pa sobredosis.

Nan a mira potencial di ganashi den esfuerso di gobierno pa amplia acceso na naloxone pa detene e cantidad di hende morto di sobredosis, cu ya a alcansa un cifra di 400mil desde cu e epidemia Mericano a cuminsa.

Como parti di investigacion forense di Australia aña pasa 6 di sobredosis fatal na New South Wales, Mundipharma a presenta documento di 15 pagina cu ta promociona beneficio di naloxone. Nan ta bisa cu si hende por tin acceso na naloxone, por a evita hopi hende cu a fayece.

 

LEAVE A REPLY

Please enter your comment!
Please enter your name here