Green Corridor y Watty Vos Blvd posibelmente e corupcion di siglo

Segun Parlamentario Dangui Oduber tin tur indicaccion cu e proyectonan ‘Green Corridor’ y ‘Watty Vos Blvd’ lo ta e corupcion di siglo na pais Aruba. Esaki ta locual a keda publica awe mainta riba e cuenta personal di Facebook di e parlamentario.

Oduber ta splica cu na Juli 2015 e bid pa e proyecto di ‘Green Corridor’ a wordo gana pa compania Colombiano Odinsa y esun di ‘Watty Vos Blvd’ pa e compania Portugues Mota Engil. ”Supuestamente Green Corridor ta importante pa e portafolio di Odinsa y asina mes nan ta bende e proyecto aki,” Oduber ta bisa. Esaki referiendo na un publicacion di Carlos Zubieta, arkitecto pa e proyecto di ‘Green Corridor’ kende e tempo ey a bisa cu e compania Odinsa ta comprometi cu e futuro di nos isla, algo cu awor ta aparenta di ta diferente.

E politico ta sigui splica cu awor e compania Odinsa lo a bende of traspasa e proyecto di ‘Green Corridor’ pa Mota Engil. E compania Mota Engil lo a bende na januari 2017 ambos dicho proyectonan cu e compania multi nacional Infrared Infrastructure na un balor di 400 miyon florin, cual segun Oduber ta e balor real di e proyectonan aki.

“Dikon e compania Infrared cu awor ta esun responsabel pa e ehecucion di Green Corridor y Watty Vos Blvd NO A BID DESDE PRINCIPIO,” Oduber ta cuestiona riba su cuenta di Facebook.

Logica di negoshi
E compania Infrared Infrastructure ta un compania cu ta inverti y maneha proyectonan di infrastructura globalmente y si nan ta cumprando un of mas proyecto na balor di 400 miyon florin, ta paso cu tin ganashi aden. Niun compania global lo inverti den algo cu no tin ganashi. Si locual Dangui Oduber ta bisa ta berdad, esaki nifica cu tin un diferencia di casi 300 miyon florin cu a wordo gana “clean” riba custia di pueblo.

Bon Dia Aruba ta conduciendo un investigacion riba e asunto aki ya cu di berdad tin cosnan cu no tin logica aden. Nos no lo laga e tema aki para y lo trece mas informacion riba esaki den e dianan nos dilanti.

You May Also Like

Cantidad Polis (1).jpg

Falta di material na Scol di Polis

Minister di Husticia ta haci bishita na scol di polis y constata cu e ...

Ng Maria Silva.jpg

Maria Silva: ‘Anochinan poetico a bira un luga unda tur cos ta sigur’

Anochinan poetico a bira algo grandi na Aruba. Esun mas reciente a tuma luga ...

Personal di hotel Occidental

‘Occidental hotel no ta paga’

Occidental Hotel a wordo cumpra pa e cadena di hotel Barcelo. Pero siman pasa ...

‘Lo purba yega na 9 bus uza mirando situacion financiero’

Minister di transporte: Minister di transporte, despues di su bishita na Hulanda, a logra ...

Tata cu a maltrata yiu di 7 siman condena na 36 luna di prizon

Segun informacion di Ministerio Publico, awe tabata tin sentencia riba caso di tata cu ...