Gregory Fung-A-Fat di United Farmers Aruba: ‘Plan Economico un comienso pa desaroya sector primario y cumpli cu meta di Desaroyo Sostenibel’

ORANJESTAD – Durante e presentacion di e plan di e maneho economico 2019 -2022, Un Economia Fuerte y Resiliente, di parti Minister di Economia Ruiz-Maduro algun siman atras Sr. Gregory Fun-A-Fat di Unites Farmers Aruba tabata invitado tambe pa duna un presentacion na tur e invitadonan, y a splica cu nan ta un asociacion pa tur cu ta den e sector di agricultura y cria di bestia.

E meta ta pa uni tur cu ta den a sector aki y tambe lucha pa tur locual tin mester pa por promove e sector primario aki. Actualmente tin un total di 30 miembro, cu ta planta varios tipo di mata y den varios estilo di plantacion, manera e.o. Aquaponics, Hydroponics, tradicional.

Segun Fun-A-Fat, nan asociacion tin 9 luna cu nan a wordo lanta y ta mira cu tabata algo cu Aruba tin mester pa por desaroya e sector aki.

United Farmers Aruba ta trahando hunto cu gobierno di Aruba y Santa Rosa riba varios tem,a y un bes pa luna ta sinta hunto pa wak con cos ta canando. Ta papia cu tur stakeholders pa wak kico por haci pa facilita e proceso nan pa desaroya e sector di agricultura y cria di bestia manera e.o. peticion pa tereno, rebaho di awa, clarificacion riba belasting.

E asociacion uni di agricultornan ta kere cu esaki ta un comienso pa por sigui desaroya e sector primario aki, y ta den e plan economico cu gobierno, pa medio Minister di Finansa, Asuntonnan Economico y Cultura a presenta cu lo cumpli tambe cu varios metanan di e Desaroyo Sostenibel Global manera Caba cu Hamber, Awa Limpi, Energia Limpi y Economia, Innovacion y Infrastructura, Barionan y Comunidad Sostenibel, Produccion y Consumo Responsabel y Accion riba Clima.

 

You May Also Like

Fundacionnan social trahando cu presupuesto hopi limita

ORANJESTAD – Parlamentario Shailiny Tromp-Lee ta lamenta cu e subsidio pa fundacionnan social no ...

Permiso pa coba den saliña no a wordo otorga

Despues di a tende e partidonan concerni, e situacion cu a surgi entre organisadonan ...

logo_ata.png

Situacion di hunta di supervision di ATA ta sigui “status quo”

A transcuri mas cu tres siman cu Ahata a dicidi di lanta nan miembronan ...

Premier: ‘Nos mision no ta pa sigui paga mal maneho di gobierno anterior’

Premier Evelyn Wever-Croes (MEP) ta reta ex prome minister pa debati riba e asunto ...

Unda nos seguro social ta para?

Pa continua cu nos intento di separa hecho di ficcion, awe nos sistema di ...