Un corte di Groningen a dicidi cu agricultornan no lo tin mag di demostra cu nan tractornan e siman ki.
E corte di Noord Nederland a haya cu e tractornan a causa situacionnan peligroso, manera causando daño na aeropuerto di Eelde. Sinembargo, Farmers Defense Force mag sigui manifesta despues di a bay corte.
Segun NOS, Mark van Oever, di e grupo, a bisa corte cu tractornan tin un balor simbolico pa e agricultornan; “e ta manera kita e bandera di rainbow di gruponan homosexual”. A prohibi tractornan den manifestacionnan te proximo dialuna, citando cu e agricultornan ta deliberadamente menasando orden publico y ignorando reglanan di trafico.
Antayera 63 persona a wordo aresta na un protesta di agricultor na Wijster den Drenthe, incluyendo 7 menor di edad. Minister di medio ambienta Carola Schouten a haya su mes forsa pa bandona un biahe di trabou na Zeeland pa via cu e agricultornan a blokia e caminda. E agricultornan ta sigui nan protestanan conta e regulacionnan pa baha produccion di nitrogeno y libramento di e substancia aki den aire.
