Iran ta insisti den su desafio di Merca y a confirma cu tin un cargamento nobo di gasolin di alrededor di 1,1 miyon bari di gasolin a bordo di cuatro barco, Bella, Bering, Pandi y Luna, loke por bira un bloqueo di parti Mericano.

Di acuerdo cu un nota di e agencia gubernamental AVN, Republica Islamico di Iran a propone pa amplia e cooperacion y solidaridad “mediante expansion di relacion cu Venezuela, cu e meta di enfrenta e bloqueo multiforme di Merca contra e nacion Suramericano”.

Citando un despacho di e agencia di noticia Irani IRNA, AVN a reporta cu e director di e Oficina Presidencial, Mahmud Vaezi, despues di reuni cu e enviado special di gobierno Venezolano, cu no ta keda identifica den e nota, a manifesta cu e obhetivo ta yuda e Venezolanonan.

“Venezuela y Iran ta mantene acuerdo di cooperacion den areanan strategico manera energia, petroleo, comercio bilateral, industria, defensa, cultura y educacion, practicando libre comercio a pesar cu ambos nacion ta someti na sancion di parti d Merca,” e nota oficial di e agencia di noticia di gobierno Venezolano ta bisa.

Den ultimo lunanan Iran a dicidi di yuda Venezuela caba cu un cargamento di gasolin pa abastece e demanda interno. E despacho a tuma lugar via cinco barco cu a yega Venezual sin mayor problema, a pesar di e presencia aumenta di forzanan naval di Merca den Caribe.

Pa e accion aki, Merca a sanciona e capitannan di e cinco barconan involucra cu a hiba casi 1,5 miyon bari di gasolin pa Venezuela. Contrario na e caso anterior, tin señalnan for di gobierno Mericano cu e biaha aki si por pasa pa interveni den e transporte di combustible aki.

LEAVE A REPLY

Please enter your comment!
Please enter your name here