Aruba ban yuda ecuador 1.jpg

Ayera mainta durante e Santo Sacrificio di Misa, sra. Cristina Galindo a gradici pastoor, Daniel Szpila y e parokianonan di Misa Birgen di Fatima na Dakota, pa nan oracion y donacion, ya cu e placa recauda durante e S.S. di Misa lo wordo canalisa pa yuda e damnificadonan na Ecuador.

Sra. Galido kende ta vocero di Consulado di Ecuador na Aruba y miembro di e grupo “Aruba Ban Yuda Ecuador” a pidi pa tur hende haci oracion pa su pais, ya cu ainda ta sigui tembla na Ecuador.
 

Actividad gastronomico

El a haci un yamada tambe na henter comunidad di Aruba y tambe na e diferente hende di otro paisnan, ya cu nan lo realisa otro actividad dia 2 di mei na Aruba Disney Recreacion na Santa Cruz banda di Taco Bell.

Nan ta bay bende cuminda tipico Ecuatoriano y di otro paisnan tambe. Nan lo organisa un rifa cu gremionan masha atractivo entre nan ticket pa Miami y Quito.

El a bisa cu e evento aki lo ta un ocasion special pa e comunidad chikito di Ecuador na Aruba lo por expresa su sentimento fraternal pa e comunidad en general y pa nan cera conoci cu e comunidad Ecuatoriano riba nos isla.

LEAVE A REPLY

Please enter your comment!
Please enter your name here