Grupo Barceló a inverti 12 miyon dollar den renobacion di  Allegro y Occidental

ORANJESTAD – Gerente general di Barceló hotel, Samuel Johnson a laga sa cu un inversion miyonario a wordo haci pa un renobacion den nan instalacionnan.

Na aña 2016, e grupo Barceló a drenta maneha e hotel y a cuminsa bin cu algun cambio pa eleva y mehora nan servicio. Sr. Johnson a considera relevante pa informa nos pueblo, pero tambe nan clientenan cu e grupo Barceló a cumpra e dos empresa aki , esta Allegro y Occidental. “Nan ta parti di nos marca”, e di.

El a splica cu denter di e marca Barcelo, tanto Allegro como Occidental, nan ta marca ‘un poco mas baho.’ Nan a dicidi di realisa un renobacion cu un inversion di mas cu 12 miyon dollar.  Nan a bin cu full un renobacion di nan cambernan, areanan publico, lobby y entrada di e hotel.

Nan lo sigui bon cu plannan pa sigui ofrece un bon servicio.  Sinembargo mirando cu nan a bin cu e inversion grandi aki, nan  kier recupera parti di nan  inversion, pa asina premira con nan lo sigui crece y mehora nan servicio.

Pa tal motibo tambe e proceso di negociacion di un contracto colectivo nobo a tuma un periodo largo casi 8 luna. pero finalmente e CAO a wordo firma diahuebs ultimo cu sindicato FTA cu ta representa e trahadonan di e hotel.

Segun sr. Johnson nan a cana e caminda largo aki cu e interes cu tur dos partido lo por resulta beneficia cu e CAO nobo. El a bisa cu pa grupo Barceló, semper nan ta pone den prome luga nan recurso humano y e forsa laboral, ya cu nan ta e prome recurso cu nan ta conta cu ne y nan ta hopi importante pa nan.

You May Also Like

Colegio Arubano den situacion financiero dificil

E scol secundario di havo/vwo Colegio Arubano ta bou di un supervision stricto pa ...

12,5% menos di turista na februari

Den luna di februari e cantidad di turista a baha cu 12,5% compara cu ...

‘Cambio den nos bandera lo mester wordo haci cu un referendum’

E topico di e color oficial di bandera di Aruba atrobe ta yegando cerca. ...

A2 candela (1).jpg

Serlimar: No por pone cura ainda pasobra destino Parkietenbos no ta cla

Causa di e candela di ayera mainta na dump di Parkietenbos ta mustra di ...

New India Assurance y STA a firma CAO pa 3 aña

Ayera gerencia di New India Assurance a firma un contracto colectivo (CAO) nobo cu sindicato ...

‘Problema di riñon na cualkier edad’

ORANJESTAD – Den un reciente entrevista cu Kidneys297, Miluska Sneek, kende ta presidente di ...