Un grupo di integrante di Cuerpo di Bombero di Aruba cu tabatin nan dia liber ayera hunto cu e otro grupo cu a drenta nobo den departamento, a dicidi di yega na scol Cacique Macuarima cu recientemente a keda destrosa pa candela, pa asina haci un accion di limpiesa como muestra di colaboracion.

Pedro Werleman officier di Cuerpo di Bombero di Aruba a splica cu e proposito tabata pa nan bay haci e luga limpi y asina yuda saca tur lo cual mester tira afo, nan mes a busca baki di sushi via di sponsor pa asina e cosnan por bay mas lihe afo.

Asina mes, Werleman a expresa cu e grupo nobo a bin cu e iniciativa y di biaha e grupo di leiding a uni pa nan pa traha y nan a culmina cu e trabounan ayera mes na unda nan a utilisa diferente hermentnan pa tira tur loke no ta sirbi afo y haci un bon trabou di colaboracion pa scol cu a keda hopi afecta.

 

LEAVE A REPLY

Please enter your comment!
Please enter your name here