(AFP) – E caso di un macaco baby na Hapon cu a bira un sensacion riba internet ta mustra e crueldad di zoologico, un grupo di derecho di animal a bisa, mientras benta di e peluchi di IKEA cu e animalito ta brasa a aumenta.
Punch, un macaco baby bandona pa su mama, a bira un strea despues cu imagennan a circula di dje siendo victima di bullying di otro macaco, y buscando comfort di e peluchi di orangutan na Ichikawa City Zoo pafo di Tokyo.
“Zoologico no ta santuario – nan ta lugarnan unda animalnan ta cera, priva di autonomia, y ta nenga nan e ambiente y bidanan social compleho cu nan lo tin den mundo salvahe,” segun Hende pa Trato Etico di Animal (PETA).
“Loke algun persona ta yamando ‘cute’ realmente ta un bista den e trauma di un macaco jong, altamente social, purbando di anda cu isolacion y perdida,” director di e grupo pa Asia, Jason Baker a bisa den un declaracion. “Te ora cu facilidadnan stop di usa sernan sensible como atraccionnan, animalnan manera Punch ta bay sigui sufri den cautiverio,” Baker a bisa, haciendo un yamado pa traslada Punch na un “santuario reputable, unda e por biba den un ambiente mas natural.”
Rechasa pa su mama, Punch a lanta den un ambiente artificial despues di a nace na juli, y a cuminsa training pa join su trupa luna pasa.
E predicamento di Punch a atrae interes enorme online, creando un base di fanatico devoto bao di e hashtag #HangInTherePunch, mientras multitudnan grandi a invadi e zoologico.
Mientras tanto, gigante di muebles Sueco, IKEA, fabricante di e peluchi di orangutan, a bisa cu ta mirando interes “sin precedente” y benta “significantemente” mas halto cu usual.
“Como resultado, e producto actualmente ta sold out den algun mercado, incluyendo Hapon y Merca,” Ingka Group, compania holding controlando mayoria di tienda di IKEA, a bisa AFP via e-mail.
Durante un weekend largo di dia festivo na Hapon, fanaticonan a para den rij hasta un ora pa por mira Punch, zoologico Ichikawa a bisa riba X, cu mas di 5 mil bishitante registra riba dialuna. E zoologico a bisa cu a set up un “zona restringi” rond parti di e habitat di e macaconan pa reduci stress pa e animalnan.
Un gran cantidad di persona a puntra con por haci donacion di placa of producto, a agrega.
Den un update riba e caso di Punch diadomingo, e zoologico a bisa cu el dos macaco a cuid’e “meticulosamente” y cu “poco poco e ta fit den e grupo.”
