Hefe di Parlamento di Venezuela, Juan Guaidó, kende a ser reconoci como Presidente Venezolano interino pa mas di cincuenta pais, a bisa cu un eleccionnan presidencial cu Nicolas Maduro na poder no lo ta un eleccion ‘liber realmente’.

“No lo tin un eleccion liber realmente y nos mester aproxima, nos, pa un eleccion competitivo”, el a bisa durante un entrevista. Tambe a consulta si e lo acepta un eleccion cu Maduro na poder, pero cu supervision internacional.

Den su opinion, no lo por tin un eleccion presidencial cu partido clausura of personanan cu no ta habilita. “Eherciendo for di e espacio ey, lo haci hopi dificil un eleccion competitivo na Venezuela”, el a sigura.

E lider opositor a insisti cu cualkier mecanismo cu lo yuda pa haya un solucion pa e crisis politico na Venezuela, ta pasa bou ‘presion’ y cu mester evalua di manera responsabel tur opcion pa por haya un solucion.

Tambe a indica cu ‘si prolonga e estadia di Maduro ocupando funcionnan’ na e presidencia di e region Latino Americano, e ta core e risico di haya ‘un teritorio di sosten pa terorismo na Venezuela’.

Venezuela ta atravesa e tension politico desde januari pasa, ora Maduro a hura un mandato nobo de seis aña, cual oposicion ni parti di e comunidad internacional no ta reconoce, debi cu e gobernante a resulta reeligi den un eleccion den cual a prohibi e participacion di e lidernan opositor principal.

Di su banda, Guaidó a proclama su mes como Presidente Interino di Venezuela y a haya e apoyo di mas di 50 nacion, hunto cu Merca como lider.

 

1 COMMENT

  1. Ora hende no por lucha, pueblo henter mester bolbe serca DIOS, laga E drecha nos: NOS mester drecha prome cu mundo drecha: cada un di NOS mester bolbe den e 10 MANDAMENTONAN; sino no lo tin PAS

LEAVE A REPLY

Please enter your comment!
Please enter your name here