FILE - In this Jan. 1, 2019 file photo, members of the Zapatista National Liberation Army, EZLN, attend an event marking the 25th anniversary of the Zapatista uprising in La Realidad, Chiapas, Mexico. The Zapatista indigenous rebel group posted on their website Saturday, Aug. 17, 2019, that it is extending its control over so-called “autonomous” zones to 11 more areas in the southern state of Chiapas. (AP Photo/Eduardo Verdugo)

Rebeldenan indigena Zapatista na Mexico a anuncia cu ta extendiendo nan control riba e asina yama zona ‘autonomo’ na mas di 11 area den estado sureño di Chiapas.

E Zapatistanan no ta sconde nan disgusto cu presidente Andres Manuel Lopez Obrador, pero ora e puntra e Presidente tocante e anuncio dialuna, Lopez Obrador a bisa cu e expansion ta ‘bon bini’.

“Dal bay numa, pasobra esey ta nifica traha pa beneficio di e aldeanan y e pueblo”, Lopez Obrador a bisa. “Lo unico cu nos no kier ta violencia.”

Un declaracion firma di e ‘subcomandante’ Zapatista, Moises, den weekend a referi na e accion como ‘un crecemento exponencial cu ta permiti nos kibra e blokeo un biaha mas’.

Pero algun di e zonanan autonomo nobo probablemente lo ta controversial. Algun ta riba tereno cu e Zapatistanan a tuma despues cu nan a organisa un accion arma cortico na 1994, pa exigi mas derecho pa e poblacion indigena. Pero sikiera un di e pueblonan ‘autonomo’ nobo di e rebeldenan, Nuevo Jerusalen, ta situa den e jungla ecologicamente sensibel di Lacandon, un reserva natural.

Den pasado, e Zapatistanan a sugeri cu comunidadnan indigena lo establece nan propio reservanan, unda naturalesa y agricultura por coexisti. Pero expertonan ta bisa cu agricultura di kima tereno, ganado y terenonan fini di jungla ta haci casi imposibel pa tin tanto vivienda como conservacion.

Generalmente e Zapatistanan ta prohibi agencianan di cumplimento di ley y inspectornan di gobierno di drenta nan comunidad, y ta practica formanan tradicional di auto- gobernacion. Tambe nan a establece nan propio sistema di educacion.

Sikiera desde 2006, e liderazgo di e Zapatistanan publicamente y frecuentemente a insulta Lopez Obrador. E declaracion publica diasabra no tabata un excepcion: e Zapatistanan a yama e presidente ‘e supervisor nobo’, y a bisa cu decenas di activista indigena a ser asesina desde cu el a tuma mando dia 1 di december.

 

LEAVE A REPLY

Please enter your comment!
Please enter your name here