Guatemala: ta kibra acuerdo cu ONU pa trabao di Cicig

Presidente di Guatemala, Jimmy Morales, ta considera e acuerdo entre su gobierno y Organisacion di Nacionnan Uni (ONU), pa e funcionamento di e Comision Internacional Contra Impunidad (Cicig), pa termina, asina canciyer di Guatemala, Sandra Jovel, a anuncia dialuna pasa na sede di ONU.

Despues di reuni cu secretario general di ONU, Antonio Guterres, na ken el a comunica e decision di su presidente, Jovel a anuncia cu e funcionarionan di ONU “mester entrega nan facultadnan na e instancianan corespondiente” y bandona Guatemala.

“Despues di 16 luna di espera pa un solucion conciliatorio y cu e obhetivo di restaura e garantianan di derecho humano y garantia constitucional di e sistema di husticia Guatemalteco, gobierno ta considera e acuerdo termina,”e hefe di diplomacia di Guatemala a bisa.

E canciyer Guatemalteco a yega New York den un bishita no anuncia, algun ora despues cu e Corte di Constitucionalidad (CC), e tribunal mas halto di Guatemala, a permiti e entrada na e pais di un investigado di Cicig, e Colombiano Yilen Osorio.

Osorio a pasa mas di 24 ora deteni na aeropuerto internacional La Aurora, despues cu autoridadnan di Migracion a impedi su entrada na e pais.

Presidente Jimmy Morales a anuncia aña pasa cu e no lo a renoba e mandato di Cicig, cu lo a termina na september proximo. E organismo di ONU a keda instala na Guatemala na 2007, di acuerdo cu gobierno di e pais, pa yuda desmantela e mafianan y e rednan di corupcion den estado. Desde entrada di Morales como presidente, varios incidente a marca un relacion tenso cu tabata impedi un operacion efectivo na e pais.

You May Also Like

trump.jpg

Donald Trump ta rechasa reportahe di CIA riba hacking di Rusia

CIA(Central Intelligence Agency) ultimamente a declara cu hackers di Rusia por a influencia e ...

Fiscalia a archiva investigacion contra ex-senador Otto Bula

Fiscalia a conclui cu e situacion cu tabata obheto di investigacion contra Otto Bula Bula ...

image.jpg

Fidel Castro ta anuncia cu pronto e lo fayece

Lider revolucionario Cubano, Fidel Castro a duna un relato Diamars merdia na e partido ...

download.jpg

Muhe ta muri den segundo atake di tribon e siman aki

Un muhe cu tabata duik den Australia su costa riba diadomingo a muri, haciendo esaki ...

Mayoria di Mericano ta apoya edicion genetico pa proteha baby

Un luna despues di e nacemento di e prome babynan cu genenan edita na ...

luna yen,

Luna yen riba dia di pasco mira despues di 40 aña

Desde 1977, un luna sumamente cla y yen por a wordo mira riba dia ...