FILE - In this March 10, 2018 file photo, Mexican film director Guillermo del Toro leads a masterclass on his Oscar-winning film "The Shape of Water," during the Guadalajara International Film Festival in Guadalajara, Mexico. The Mexican filmmaker will write, produce and direct his animated version of Pinocchio for Netflix, Del Toro said in a statement Monday, Oct. 23, 2018, released by the streaming service. (AP Photo/Refugio Ruiz, File)

(infobae) – Dia 22 di februari ultimo a bira conoci cu e Academia a tuma decision di no presenta algun categoria importante en bibo durante premionan Oscar 2022. Deriva di e situacion aki, e director aclama, ganador di e premio, Guillermo del Toro a critica fuertemente e decision di Academia di Arte y Ciencia Cinematografico.

E director originario di Guadalajara, Jalisco, kende ta nomina den e di 94 edicion di e Premionan di e Academia den categorianan di Miho Pelicula, Diseño di Vesturario, Diseño di Produccion y Miho Fotografia pa Nightmare Alley a expresa su posicion riba e decision polemico aki di e organisadornan di e premionan.

Tabata dia 28 di februari ultimo durante e gala di Asociacion di Critico di Hollywood unda Del Toro – kende a gana e premio Oscar pa The Shape of Water na 2018 – a ricibi e premio di Logro Cinematografico. Di mesun manera, den su discurso di aceptacion el a probecha di e foro pa enfatisa cu e no ta di acuerdo cu e medidanan tuma pa e comite organisador e aña aki.

“Nos no ta hacie nos so. Nos ta hacie hunto. Y e hende cu ta hacie cu nos, incluso poniendo tur cos den riesgo den un pandemia, ta haci algo milagroso di e dia”, Del Toro, di 57 aña di edad, a bisa. Despues el a profundisa riba e tema cu e Academia a laga varios categoria fuera di e ceremonia principal, cual ademas no ta bay transmiti en directo.

“Si tabatin un aña tabata indica pa pens’e, esaki no ta e aña pa no scucha nan nomber en bibo na Oscar. E aña aki ta pa scucha nan y canta nan fuerte. Nos no mester hacie e aña aki; nos no mester hacie nunca, pero menos e aña aki… Y nos mester bisa cu 2021 tabata un gran aña pa cine”, el a remarca riba un video comparti pa Asociacion di Critico di Hollywood.

Entre e categorianan cu a informa cu lo keda descarta ta Miho Cortometraje, Miho Cortometraje Anima, Miho Montaje, Miho Makiyahe y Peinado, Miho Diseño di Produccion, Miho Banda Sonora Original y Miho Zonido.

E persona encarga pa tuma e decision polemico aki tabata e director di e Academia, David Rubin, kende a detaya mediante un e-mail den cual el a anuncia e modificacionnan pa e aña aki: “Nos ta pidi pa boso compronde cu nos obhetivo tabata pa encontra un balans den cual esnan nominado, esnan ganador, miembronan y audiencia tin un experiencia gratificante cu e programa”, el a redacta.

Igualmente el a añadi cu e medida aki ta bay ta analisa despues di e gala di Oscar 2022: “Den futuro, nos ta bay evalua e cambio aki y ta bay continua busca forma adicional pa haci cu nos espectaculo ta mas entretenido y mas emocionante pa tur esnan involucra.”

Ya varios aña atras, algun medionan specialisa a sigura cu e rating di e premiacion a cay di forma dramatico, y e edicion un aña pasa a ser mira pa apenas 10 miyon di persona, apenas 56 porciento di televidentenan di 2020, cual e tempo aya tabata e pio record di audiencia.

Di otro banda, e cineasta no ta e unico Mexicano buscando pa bolbe pone e nomber di Mexico en alto, pues CODA, pelicula protagonisa pa e actor y comediante Eugenio Derbez tambe ta nomina den categorianan Miho Pelicula y Miho Guion Adapta. Ademas, ‘Raya, e Ultimo Dragon’ di Carlos Lopez Estrada ta considera pa Miho Largometraje Anima.

Ta bay ta diadomingo proximo, dia 27 di maart na e teatro Dolby na Los Angeles, California, unda ta bay por mira si e storia protagonisa pa Bradley Cooper, Rooney Mara, Cate Blanchett, Toni Collette, Willem Dafoe y dirigi pa Guillermo del Toro por bay cu algun premio den e cuatro categoria den cual ta nomina.

LEAVE A REPLY

Please enter your comment!
Please enter your name here