(infobae) – Dia 2 di maart ultimo, e ex-integrante di Acapulco Shore, Manelyk Gonzalez a duna un conferencia di prensa pa conta riba su proximo proyectonan. Aki Gonzalez, kende tambe ta modelo, a ricibi preguntanan di prensa tocante su relacion cu Jawy Mendez, pero tambe el a confesa su atraccion pa Christian Nodal.
Despues cu Christian Nodal a termina su relacion cu Belinda, e cantante ya a haci algun indicacion al respecto, pasobra na momento cu el a duna su renchi di compromiso back na Jawy el a bisa cu e renchi cu el a ricibi tabata insignificante compara cu esun cu Nodal a duna na su prometida e tempo ey, Belinda. “Awo si mi renchi lo tabata 0.0000000001 di esun di Belinda! Ni p**deu mi ta dun’e back! Pero no, mi ta djis bisa”, el a skirbi dia 17 di februari riba Twitter.
Sinembargo, durante su conferencia di prensa, el a expresa su admiracion pa Christian Nodal y a sigura cu e cantante lo por ta e miho postor pa cualkier persona, ademas no a perde e oportunidad pa conta e cantidad di virtud cu e cantautor di 23 aña ta posee.
“Mi no ta gust’e, e ta fascina mi, e ta encanta mi, e ta un papasote. Pero por supuesto, ken no ta bay gusta Christian Nodal? E tin hopi talento y apart e ta estupidamente miyonario. Mi Dios. Kico mas!” el a bisa den un entrevista cu Mezcalent, cual a keda recupera pa Enrique Vasquez di Evolucion Fotografia Studio.
Igual cu el a haci riba rednan social, Manelyk a desprecia e renchi di compromiso cu Jawy a dun’e, pues el a sigura cu no tabata duel e pa dun’e back, pasobra e por cumpra uno ‘dies biaha mas caro’. Ademas cu no por a compar’e cu esun di Belinda, pasobra si tabata asina, e nunca lo a dun’e back.
