Presidente di Corte Supremo di Guyana a ordena un recuento parcial di voto di eleccion general teni siman pasa dialuna y disputa pa oposicion.

E veredicto ta un victoria grandi pa oposicion cu a acusa gobierno di fraude na fabor di e presidente actual David Granger. Hues Roxane George a dicidi tambe cu e conseho electoral no por declara un ganador prome cu e recuento termina.

E hues a dicta cu e funcionarionan electoral den Region Cuatro mester reanuda verificacion di e votonan ayera. PPP, partido opositor, a reclama cu e resultadonan tabata infla na fabor di presidente Granger.

E decision di e Corte a bin na momento cu un delegacion di varios prome ministro di paisnan Caribense a yega na Guyana, den un intento pa yuda den e crisis politico aki.

Mr Granger, of the People’s National Congress – Reform (PNCR) coalition, is facing Irfaan Ali of the opposition People’s Progressive Party (PPP).

Ambos banda a reclama victoria y tension a cuminsa bay halto como consecuencia. Violencia durante protesta a laga un persona morto y varios herido.

E campaña electoral tabata domina pa e pregunta con pa usa e recursonan amplio cu lo bin di explotacion di e recursonan di petroleo den awanan teritorial di Guyana. Presidente Granger, na poder desde 2015, a cera un contract controversial cu gigante petrolero ExxonMobil, e partner mas importante den e creciente sector aki.

Su adversario Irfaan Ali, cu tabata ministro di vivienda, a priminti di renegocia e deal di manera mas faborable pa e pais, un anterior colonia Britanico cu un poblacion 780.000 habitante.

No ta conoci ainda na ki momento e conteo nobo lo keda cla y lo anuncia e resultado final.