Habitante di Leeuwarden tocante maneho controversial di Antiano: Ken ta sali na nos defensa?

LEEUWARDEN – Riba iniciativa di studiante MBO Fabiola Kook diahuebs un grupo di Hulandes Caribense preocupa a topa na Leeuwarden. Meta: critica severamente e ‘Maneho di Antiano’ controversial cerca miembro di conseho munisipal Julie Bruijnincx (D66).

“Ken ta sali na nos defensa?”, e habitantenan Caribense presente na Leeuwarden ta puntra. Politico Caribense y organisacion di interes, cu fin di 2018 a expresa nan mes cu indignacion tocante e Maneho di Antiano di Leeuwarden, segun e habitantenan actualmente ta remarcabelmente keto. Fabiola Kook di 21 aña di edad di tur manera no ke warda mas.

Corsou, Aruba y Sint Maarten ta keda keto
Mientras e Hulandesnan Caribense envolvi ta pidi aclaracion tocante e plannan controversial, politica Caribense na Hulanda ta remarcabelmente keto. Den e agenda di Siguridad e munisipio cu enfasis ta hala atencion riba e mudamento di ‘Antiano sin perspectiva’ for di e islanan.

Na december prome minister Eugene Rhuggenaath kontra Ret Karibense a expresa su indignacion tocante e plannan, pero ora a puntra a bin sali cu no tabatin contacto cu Hulanda mes ultimo lunanan.

‘Gabinete no tabatin contacto cu instancianan of munisipio’-Minister plenipotenciario di Corsou

“Gabinete no tabatin contacto ainda cu instancia of cu munisipio Leeuwarden”, segun Anthony Begina, e representante di gobierno di Corsou na Den Haag. Awor na nomber di prome minister di Corsou e ke bay wak kico ta posibel. “Gabinete ta habri pa esaki si.”

Cas di Sint Maarten na Den Haag tambe a laga sa cu ‘no tabatin contacto cu instancia of munisipio Leeuwarden’ tocante e kestion aki. Kico e rol di Aruba tabata te aworaki, no ta conoci. A pidi e representante di gobierno di Aruba pa un reaccion varios biaha. Esaki ta segun e fuente Retkaribense.

Ta ken ta ‘e Antianonan ey’?
Ta conoci cu politica di Sint Maarten y di Aruba no ta sinti cu ta toca nan ora ta papia di cifra y estadistica di Antiano na Hulanda. Ta un ‘clasificacion generalisa’ cu ‘no ta bisa masha tocante e porcentahe di hende di Sint Maarten’, Cas di Sint maarten a declara anteriormente. E mayoria di mas grandi di loke na Hulanda nan ta yama ‘Antiano’ lo ta binidero di Corsou.

Kico e Maneho di Antiano na Leeuwarden ta encera?

E Maneho di Antiano manera e ta describi den e Agenda di Siguridad 2019-2023 di munisipio Leeuwarden ta consisti di dos factor: reprecion y prevencion.

Reprecion
Asina munisipio kier preveni pa ‘Antiano sin futuro’ muda pa Leeuwarden for di Rotterdam of Corsou. Algun di nan lo ta causa problema ey riba. Traficacion di droga y atraco lo ta representativo pa e grupo aki, asina por lesa den e agenda di siguridad di Leeuwarden.

Prevencion
Tambe bou di Hulandes Antiano segun e Agenda di Siguridad ta reina ‘un problematica social persistente’: Dependencia di onderstand, problematica di educacion, embaraso di teener y kita scol prome cu caba scol’. E grupo aki ke yuda munisipio cu e Maneho di Antiano.

 

You May Also Like

deigo de cuba sta.jpg

Cheap labor creando situacion di delincuencia explosivo

Den edicion anterior Diego de Cuba presidente di STA a splica e fenomeno di ...

Evelyn Wever-Croes ta oficialmente formador pa e siguiente gobierno

Historia ta keda marca na Aruba, unda cu pa prome biaha nos pueblo ta ...

Elmar

Elmar: blackout Aruba no ta nos culpa

Elmar a manda un relato awe tardi despues di investiga e blackout riba 23 ...

Lucha contra tetanus afectando baby

Mundialmente 1,5 miyon hende ta muri anualmente pa falta di vacuna, entre nan esun ...

Imelda Hof ta haya mey miyon extra na subsidio

Gobierno a pone mey miyon florin extra disponibel pa Imelda Hof  por sigui apoya ...

BEACH

No tin claridad riba maneho di bendemento di droga riba beachnan

E task force cual ta un cooperacion entre diferente departamento cu ta encarga cu ...