Venezuela: Investigacion contra Guaido pa sabotahe di coriente

E fiscal general nombra pa e asamblea constituyente Chavista, Tarek William Saab, a informa ayera cu ministerio publico, na su encargo, a inicia un investigacion contra presidente encarga di Venezuela, Juan Guaido.

E regimen di Nicolas Maduro a habri e proceso aki vinculando Guaido cu un supuesto sabotahe di e sistema electrico nacional.

“Poco ora despues di e hecho lamentable di e sabotahe electrico, hamas visto den historia di e republica, Guaido a publica un tweet den cual el a menciona cu luz lo bolbe cu e final di e usurpacion (di poder di Maduro),” asina Saab a expresa.

Esaki no ta un hecho casual, sino cu e ta añadi na un cantidad di evento desde e auto proclamacion no reconoci pa hopi pais, cu inicialmente a aproba esaki, Saab a agrega.

E fiscal constituyente a detaya cu e investigacion ta bay hunto cu esun inicia dia 29 di januari, tempo cu el a solicita Tribunal Supremo diHusticia imposicion di medida di precaucion, pasobra “ e ciudadano aki a desacredita nos di manera publico y notorio, haciendo burla di e sistema di husticia di Venezuela, di e institucionnan democratico.”

Ola di sakeo na Zulia
Decenas di tienda na Maracaibo a keda sakea desde diadomingo pasa, den e crisis di electricidad, cu tin e region di petroleo aki cinco dia caba sin luz. Dialuna anochi ainda e sakeo tabata continua.

Gruponan violento tabata drenta den panaderia, supermercado, tienda di aparato electrico, zapateria, joyeria, centronan comercial y tabata sali cargando loke nan por a hiba.

Varios testigo a conta EFE cu e sakeadornan tabata actua den grupo y hasta a enfrenta miembronan di Guardia Nacional na algun ocasion, sin cu tin noticia di herido o morto.

Luz na Zulia a cuminsa bolbe dialuna anochi, cu interupcion, despues di mas di 100 ora continuo sin luz y gran parti di Maracaibo tabata sigui ainda den scur.

Na otro estado tambe tabatin sakeo, manera na Anzoategui, Merida, y na Baruta, zona di Caracas, segun autoridadnan a informa agencia EFE.

 

You May Also Like

Autoridad di Panama a libera 12 muhe cu tabata victima di explotacion sexual

(El Nacional).- Un tribunal di Panama a acusa un Venezolano di delito di abuso ...

Detonacion di un granat a laga 37 herido den un discoteca na Colombia

Polis ta traha riba un investigacion, y asina haya sa ken ta e hende ...

Produccion abou di refineria Isla: un impacto negativo di 500 miyon

WILLEMSTAD – Durante e ultimo dos aña e actividadnan comercial entre Corsou y Venezuela ...

Venezuela: Mas visa revoca y sancion contra entidad colaborando cu Maduro

Estado Uni a anuncia cu lo revoca visa di otro 77 Venezolano liga na ...

Exxon mobil ta inverti 5000 miyon dollar den petroleo offshore

Segun informacion di e agencia EFE, e compania Mericano Exxon Mobil, e empresa mas grandi ...

Grupo di 12 pais Latinoamericano ta denuncia Venezuela

E 12 paisnan Latino Americano, cu na augustus a defini e gobierno di presidente ...