(DiarioLibre) – Eleccionpresidencial, legislativo y e referendum constitucional premira pa november y januari na Haiti a keda posponi pa un fecha indefini, despues di e retiro di miembronan di e conseho electoral dialuna di parti di gobierno, hundiendo e pais den crisis.
Desde nan nominacion na 2020 pa e president Jovenel Moise, asesina dia 7 di juli na su cas pa un comando arma, e nuebe miembro di e Conseho Electoral Provisorio (CEP), a ricibi critica fuerte di oposicion y miembronan di sociedad civil.
Despues di a elabora varios kalender electoral durante e aña, e CEP a pone fecha fiho di dia 7 di november pa e organisacion di e prome buelta di e eleccion presidencial y legislativo, como tambe un referendum constitucional.
E segundo bueltanan di e eleccion tabata premira pa dia 23 di januari di 2022, hunto cu e eleccionnan municipal y local.
Pero prome minister Ariel Henry a anuncia dialuna e retiro di e miembronan di e CEP den e boletin oficial, y e nominacion di un conseho nobo, sin defini un fecha cla.
E asesinato di Moise na juli a amplifica diripiente e crisis constitucional den cual Haiti ta hundiendo pa varios aña caba. Prome cu su morto, e mandatario tabata ricibi critica pa no a organisa eleccionnan desde cu el a asumi poder na februari di 2017.
Debi na e falta di eleccionnan, Parlamento Haitiano no tin diputado for di januari 2020, y solamente 10 di e 30 senadornan, kende nan mandato ta termina na februari 2023, ainda ta conserva nan cargo.
E ausencia di henter e agenda electoral ta debilita e clase politico, daña y desafia, mientras cu e pais ta mirando un crisis humanitario y di seguridad fuerte.
