Haiti: Presidente Moise ta kibra silencio despues di siman di disturbio

Presidente Haitiano Jovenel Moise a kibra silencio despues di un siman di disturbio y manifestacion exigiendo su renuncia.

Den un discurso desde palacio presidencial diahuebs, Moise a declara cu e no “ta bay entrega e pais na gruponan arma y narcotraficante,” referiendo na funcionarionan di gobierno cu a subi caya hunto cu e “hefenan di banda busca pa husticia.”

“Mi a scucha e voz di pueblo. Mi conoce e problemanan cu ta tormenta pueblo. Ta p’esey gobierno a tuma tanto medida,” el a bisa. “Mi a pidi prome ministro pa splica nan y aplica nan sin retraso pa alivia miseria.”

Desde dia 7 di februari, por lo menos shete hende a fayece mientras e pais a cay den un crisis politico, cu bida diario paralisa como resultado di protesta y baricada poni den e ciudadnan principal.

Departamento di estado Mericano diahuebs pasa a ordena saca tur personal no esencial y nan famia for di e pais, memey di e disturbionan continuando. Canada tambe a anuncia cu nan ta cera nan embahada na capital Port-au-Prince diahuebs pasa, pero a declara cu lo sigui monitorea e situacion den e dianan venidero.

E demostrantenan, rabia pa inflacion creciente y e supuesto robo di casi 2 biyon dollar di e fondo di ayudo Venezolano di petroleo na e isla, ta exigi renuncia di Moise.

 

You May Also Like

OM ofreciendo 10 mil pa tip di oro den caso di Veneto Casino

Autoridad ta bolbe pidi yudansa di pueblo, en conexion cu e caso di asesinato ...

Venezuela: Dirigentenan Chavista buscando asilo via Iglesia Catolico

Monseñor Mario Moronta, obispo di San Cristobal, a confirma cu varios dirigente di e ...

Colombia: Alerta geel pa via di contaminacion di aire na capital

Bogota na alerta geel despues cu autoridadnan di e capital Colombiano a declara e ...

Bolivia: Bus a cay for di un baranca y como 25 persona a muri

E caida di un bus for di un baranca na Bolivia a laga 25 ...

Colombia: A cera frontera pa dos dia despues di confrontacion

Enfrentamento fuerte entre e grupo Venezolano cu a purba drenta cu e ayudo humanitario ...

Studiante na Caracas asesina door di Guardia Nacional

Studiante Juan Pablo Pernalete a muri un luna pasa pa medio di gas lacrimogeno ...