Protestantnan a tira piedra riba e cas di e presidente y a enfrenta polis, lagando sikiera un demostrante morto, den e di tres dia consecutivo di demostracionnan contra mal maneho economico y corupcion.
E protestanan tabatin como meta pa hisa presion riba presidente Jovenel Moise, kende ta pidiendo pa negociacionnan cu oposicion.
Un multitud di miles a protesta na Port-au-Prince diasabra, y un periodista di AP a mira sikiera un di nan tira fatalmente, aparentemente pa polis. Protestantnan den e bario di Petionville a blokea e caminda na e cas di Moise, y a tira piedra riba su propiedad despues cu guardianan protehando un aliado di Moise a tira riba auto di un muhe, y a bati e muhe cerca di e cas di e presidente.
E protestantnan ta rabia tocante inflacion y e fayo di gobierno pa enhuicia pa malversacion di fondo di un programa Venezolano di multi-biyon di dollar, cu a manda azeta cu descuento pa Haiti.
Diadomingo e protestanan a continua.
