Diahuebs mainta e caso di un hoben acusa di asesinato y intento di asesinato di famia cu veneno di djaca den orange juice a bin dilanti corte. Fiscal ta pidi 12 luna di prizon.

E dama hoben di 16 a├▒a di edad ta sospecha di asesinato di su wela y intento di asesinato di otro dos miembro di famia. Hues a indica cu riba 23 di november of prome cu esaki e lo tuma su decision riba den e caso ki cu a resulta di bira hopi complica mes. Ta bay haci net un a├▒a cu esaki a sosode.

22 di november e sospechoso a bay Kinppo Foodcenter pa cumpra un orange juice marca HomeMaker cu aparentemente su wela a pidi. E discusion inicialmente tabata ta si e wela mes a gara e glas di orange juice of si esaki a wordo duna na dje. A bin sali na cla cu ta e sospechoso mes a dun’e y por mira riba imagen di camara di siguridad na e supermercado cu ta e hoben mes a cumpra e juice. Den investigacion di autoridadnan a sali na cla tambe cu un dia prome cu e incidente, e hoben tabata den e supermercado puntrando pa veneno di djaca y si e por haya esaki den forma di puiro.
Ora cu hues a puntra e sospechoso riba esaki ayera, el a nenga di duna comentario.

Varios biaha e hoben a nenga di contesta preguntanan di hues y te hasta a yora un rato ora cu a keda confronta cu algun punto cu a sali den e investigacion. Manera conoci, e wela a bebe e juice aki cu tabata contene veneno di djaca aden, anto a bira sumamente malo. E se├▒ora di edad mester a bay cu urgencia Colombia pa tratamento. Otro miembronan di famia tambe a bira malo y mester a bay hospital urgente. Ni algun tempo despues cu e se├▒ora tabata na Colombia pa tratamento, el a fayece. Den corte a bin dilanti cu el a sufri di da├▒o celebral severo pero su causa di morto no a bin directamente por medio di veneno. Mas bien cu el a bira malo anto su salud a bay hopi atras, organonan cu a cuminsa faya, pa motibo di a consumi un tiki di e veneno aki den e orange juice. Den investigacion a bin dilanti tambe cu e veneno no tabata den e orange juice ora cu a cumpra esaki na e supermercado. E juicenan na e supermercado durante e investigacion e tempo ey a wordo controla pa sigura esaki.

‘Problemanan na cas’
Investigacion di autoridadnan a saca afo cu a mira tambe algun rastro di e mesun veneno aki den cushina di e cas di e famia. E hoben na prome instante a insisti cu e no ta corda y no sa con e veneno a bin den e juice. Algun rato despues el a wordo confronta cu informacion cu a wordo colecta por medio di un grabacion di audio y video cu un amigo di famia a haci anto entrega na polis. Den e grabacion aki por mira y scucha e hoben combersando cu otro dos dama desconoci. E mucha aparentemente lo mester a haya conseho of sugerencia pa uza veneno di djaca pa haci da├▒o na su wela. Un trahado di e supermercado y otro hoben cu ta yena saco tambe ta corda cu e sospechoso a drenta e supermercado pa puntra y cumpra e veneno. Na dado momento hues a bolbe confronta e hoben cu tur e informacion cu a bin dilanti di testigonan y autoridadnan, anto e hoben a opta pa papia. Sinembargo, e hoben a haci un peticion si por fabor prensa lo por sali for di e sala pa asina e informacion aki no wordo publica riba internet of corant. Mescos cu a pidi pa ningun nomber tampoco di ningun persona envolvi wordo menciona den publicacionnan ni inicialnan. Na momento cu prensa tabata permiti pa drenta bek e sala, nos redaccion a compronde cu e hoben a papia y admiti di pone ‘un tiki’ di e veneno den e juice.

Fiscal ainda tabata tin dificultad pa compronde e motibo di haci esaki. E hoben a declara cu e tabata wordo agredi pa e wela y se├▒ala riba algun of otro problemanan na cas. E abogado den su defensa mes a subraya cu e hoben a pasa den hopi cos fastioso den su hubentud y no tabata su intencion pa mata e se├▒ora. Manera menciona, autopsia haci riba e curpa di e se├▒ora cu a fayece a mustra cu e no necesariamente a muri por medio di e veneno, mas bien pasobra el a bira malo y funcionamento di algun di su organonan a cuminsa faya.

Fiscal a indica cu si bo purba haci da├▒o na un persona cu por ehempel un substancia manera sucu di puiro, ta imposibel y no ta castigabel pasobra sucu no ta venenoso y no por causa da├▒onan mortal inmediatamente manera veneno. Pero si ta bay uza un substancia manera veneno di djaca, cual ta uno peligroso pa salud y venenoso, a pesar cu un tiki so wordo uza of no, esaki huridicamente ta un acto castigabel segun fiscal. Ministerio Publico ta haya cu como cu e sospechoso ta un mucha ainda, nan ta exigi un castigo di 12 luna di prizon incondicional. E hoben ya a sinta 8 luna.