Dianan 23 pa 30 juni proximo, e ciudad di Havana, Cuba ta e anfitrion pa e Junior Pan American Weightlifting Championships y XXXVIII International Tournament ‘Manual Suarez in Memoriam’. Un competencia renombra cu e miho atletanan junior den nos region y continente.
Mas cu claro Aruba Amateur Weightlifting Association lo manda nos miho atletanan junior, pa asina representa Aruba den gran forma den un evento yama ‘GOLD’, cu ta un clasificatorio pa e Weganan Olimpico di Tokyo 2020.
E federacion di pesas, AAWA a scoge e tres atletanan Nicole Dijkhoff (f) den categoria 71kg, Laertes Araque (m) den categoria 89kg y Jeremy Dijkhoff (m) den categoria 81kg y coach internacional di Ecuador, Walter Llerena, pa compana e atletanan pa e Junior Panamericano. Tur e tres hoben atletanan aki ta prosepctonan grandi na Aruba, y den pasado ya caba a competi na nivel internacional. Esaki ta un di e prome biahanan cu nan lo competi den un evento di pesas di e magnitud aki. Hopi exito na nos delegacion di pesas.
