Homber condena den asesinato di Lalo Webb ta sali liber

Relaciona cu caso di asesinato cruel di Lyandro Lalo Webb, Hoger Beroep/Corte den apelacion a declara e sospechoso E.J.M.H. liber di su sentencia di 20 aña cu el a haya aña pasa.  E sospechoso tabata den apelacion pa su sentencia. Ministerio Publico ta bay studia e sentencia di Hof cuidadosamente y despues lo dicidi si ta bay den casacion. Pa esaki nan tin 14 dia pa dicidi.

E homber a wordo condena na 2017 pa 20 aña castigo di prizon por medio di corte den prome instancia pa un asesinato cu a tuma luga aña pasa. Esaki tabata e tiramento fatal di W. cu a wordo haya morto sinta den un auto banda di Indian Rock Garden na Hooiberg riba 19 di maart 2015.   A keda conclui cu no tin suficiente prueba riba H. cu e ta responsabel pa e asesinato.  Corte a analisa pruebanan riba cual H. a keda sentencia na prome instancia riba un otro merito.

E pruebanan aki ta basa riba prueba di DNA y tres combersacion di telefon cu tap. Tabata tin rastro mixto di DNA riba e curpa y segun e investigacion a saca afo, tabata tin rastro di e sospechoso tambe.  E dia di asesinato a wordo haci tres combersacion telefonico cu segun polis tabata di e sospechoso. Ministerio Publico y polis a bisa cu e sospechoso lo a papia cu esun cu lo mester a duna ordo di asesinato. Corte di apelacion ta mustra cu e reconocemento di stem y forma con esaki a keda colecta no ta confiabel. Corte di apelacion a scucha e combersacionnan hunto cu e abogado. E tal combersacion unda ta esun cu ta duna ordo ta papia no por wordo admiti manera prueba anto e resto hunto cu resultado di DNA ta duna insuficiente prueba pa conclui culpabilidad di e sospechoso. Posibelmente tin otro sospechoso envolvi den esaki y no ta descarta cu ta otro a asesina e victima. E telefon cual a wordo uza no ta di e sospechoso tampoco, y tambe esaki a wordo uza por medio di otro hende cual ta haci e situacion mas compleho. Tin hopi punto cu no tin claridad unda cu a falta investigacion di parti di Ministerio Publico, segun Corte den apelacion a laga sa.

Ministerio Publico su exigencia tabata di 22 aña.
E caso contra e sospechoso H. a wordo trata den su contenido riba 9 di December 2016 y 19 di April 2017. Riba 29 di December 2016 huez a dicta un tussen vonnis. Esaki a encera dos opdracht pa Ministerio Publico. E prome opdracht tabata cu Ministerio Publico ta laga scucha e persona sospecha di a duna ordo pa e asesinato, e homber N.R.R., den prison na Hulanda tocante su rol specifico. E otro opdracht tabata cu ta haci investigacion riba telefon di e sospechoso. Ministerio Publico a presenta e resultadonan di e dos opdrachtnan aki na Corte durante e tratamento di 19 di April 2017. Aunke e asesinato aki tabata relaciona cu e participacion di tanto e mes como e homber N.R.R. na gangnan criminal, e sospechoso H. no tabata forma parti di ningun di e dos gangnan aki. E tabata envolvi como sicario. H. semper a insisti cu e ta inocente, pero tanto Ministerio Publico como Corte ta di opinion cu ta e ta e autor di e asesinato di e victima W.

Aki por lesa e vonnis di Corte den apelacion:
PERSBERICHT Vrijspraak E J M H in hoger beroep PERSBERICHT Vrijspraak E J M H in hoger beroep

You May Also Like

Comison special pa dump Parkietenbos

Diaranson ultimo minister Otmar Oduber (POR) encarga cu Medio Ambiente a reuni cu miembronan ...

10Mrt,JO, Trafico.jpg

Alex Pieters: ”Mester traha hunto pa mantene trafico bao control”

Segun Alex Pieters di Motor Unit, e populacion di Aruba ta creciendo y tambe ...

Cosecha Aruba, espacio dedica pa artistanan cu inspiracion Arubiano

ORANJESTAD – Cosecha ta un galeria comercial cu ta ofrece y mustra productonan inspira ...

Gobierno kier traha cu TNO mas flexibel y menos costoso

ORANJESTAD – E instituto di investigacion TNO ta cera su portanan na Aruba. Prome ...

Emperador, e cabay di tour cu no a muri dilanti di hotel

ORANJESTAD – Algun dia pasa, a circula riba rednan social e rumor cu un ...

Presupuesto 2018 ainda no ta cuadra cu normanan di CAft

Den un carta pa minister di Financia di Aruba, e organo di supervision CAft ...