Militar patruyando un stacion di trein grandi na Brussels a neutralisa un persona despues di un explosion. Polis ta bisa cu nan no tabata por a confirma reportahenan di media cu e sospechoso tabata tin un faha di explosivo bisti y tabata tin waya ta colga for di su paña. Esaki a wordo describi door di algun testigo cu a wak e prome cu polis a tuma e situacion bao di control y evacua tur hende for di e area.
E incidente a tuma luga na Brussels Central – un di e stacion nan mas ocupa den e pais. Oficialnan ta bisa cu e situacion ta bao di control aworaki y nan ta investigando si e tabata un acto di terorismo. Un vocero di polis ta bisa: “Tabata tin un explosion rond di un persona. E persona ey a wordo neutralisa door di militar cu tabata den cercania. ” No tin reportahe cu tin ciudadanonan herida of cu a fayece pa motibo di e explosion.
