Na Glitz Casino a tuma luga bautismo di uniform di team veterano 60 +Ildos Lottery Boomerang . Esaki ta pa di seis aña consecutivo ta sponsor e grupo veterano y esaki ta pa di dos biaha ta sponsor e grupo nan uniform completo. Ildos Lottery Boomerang ta orguyoso di por sostene e grupo di 60 + cu ta motiva pa haci e deporte di baseball y ta un di e gruponan cu ta haya hopi competencia , pero cu ta saca cara den e mundo di baseball bao di e veteranonan.
Den un ambiente unico na Glitz casino na la cabana e grupo a batisa nan uniform . Madrina di e grupo tabatin e honor di a hiba palabra y tambe a haci e bautismo cu e balanan di softball. Di e manera aki a desea a grupo hopi suerte pa e temporada di campeonato di softball veterano 60+ . E weganan den liga mayor tin competencia di 50 y 60 + y lo cuminsa cu e weganan dia 9 di juli na veld di Flatstone.
E invitacion ta keda na comunidad di Aruba pa participa na e weganan veterano pa apoya e grandi nan den e mundo di softball aki na Aruba. Tambe e team completo ta gradici Ildos Lottery Boomerang y Glitz Casino pa nan sosten y pa asina e grupo por ta bon representa na momento di wega.
Tur hende ta bon bini na veld di Flatstone pa bin mira e weganan di softball.
