Hospital y Zuyd Hogeschool explorando oportunidadnan pa studia enfermeria riba nivel di HBO

ORANJESTAD – Recientemente, representantenan di Zuyd Hogeschool di Hulanda a bishita Dr. Horacio E. Oduber Hospital, pa reuni pa trata loke ta fase dos di trece opleiding di enfermeria riba nivel di HBO pa Aruba. E esfuerso ta uno conhunto, cu ta inclui hasta e ministernan cu ta compaña Hospital den e trayecto aki.

E ta un oportunidad cu por brinda hobennan Arubiano cu ainda no a scoge kico nan kier studia. Un oportunidad pa sigui studia na Aruba mes en bes di bay Hulanda. Hospital kier crea un ambiente cu ta atrae studiantenan dispuesto pa forma un carera den ramo di enfermeria. Ya caba Colegio EPI ta yuda Hospital cu e parti teoretico y awor lo por combina cu practica den Hospital mes, asina Ezzard Cilié a duna di conoce. Na momento cu ta asina leu, e studiantenan mes lo tin oportunidad pa scoge, sea pa cuminsa traha mesora of pa sigui studia.

Loke a ripara ta cu studiantenan ta bay afo y nan ta keda biba eynan, pasobra eynan lo por tin hopi mas pa ofrece. Pa por mantene nan na Aruba, mester por ofrece oportunidad na cas mes. Hospital ta spera di trece un cambio den esaki y ofrece studiantenan cu kier algo mas localmente, estudionan amplio di nivel halto comparabel cu Hulanda. Ta trahando pa basta tempo riba e proyecto aki y ta spera cu pronto por duna mas detaye y fecha cu lo por start.

Tin hopi entusiasmo, pero tambe tin hopi trabou pa ehecuta, asina Director di Cuido di Hospital, Ezzard Cilié, a duna di conoce. Ta purba planea tur cos na un forma responsabel y pa bin cu algo concreto. Ta un responsabilidad como director pa bin cu un base solido unda ta ofrece oportunidad pa crece pa tur empleado.  E proyecto aki tin 2 componente importante pa tene cuenta cu ne cu ta den Hospital tin varios nurse gradua cu kier sigui crece den nan trabou y tin esunnan cu no conoce e profesion aki, mester mir’e como uno atractivo.

E cooperacion entre Hospital y Zuyd Hogeschool ta bayendo bon, Ruud Heijnen, coordinador di cooperacion internacional di e Facultad “Gezondheidszorg” na Zuyd Hogeschool, a duna di conoce. Door di e trahamento cu Hospital, Zuyd Hogeschool ta haya hopi contact cu tur instancia di cuido riba nos isla. Esey ta duna e scol un miho vision riba e retonan, mientras cu di otro banda ta conoce tur stakeholder den salubridad.

Barth Koster, manager di Academia di Hospital, a reuni cu Zuyd Hogeschool riba e programa di orientacion. Nan ta positivo cu Zuyd Hogeschool lo apoya esaki hunto cu Universidad di Aruba. Como cu kier cuminsa un nivel di HBO, mester siña con pa implement’e den e organisacion y integra esaki riba tur tereno necesario. Esaki lo ta un di e retonan grandi. HOH Academy lo ta e departamento cu  ta encarga y ta brinda sosten na e practica den enfermeria.

E bishita di Zuyd Hogeschool tabata uno fructifero resultando den un base solido den futuro pa nos hobennan y otro cu kier sigui studia den enfermeria aki na Aruba mes.

 

You May Also Like

Gebouw Gerecht in Eerste Aanleg Aruba.JPG

Tata ta haya 10 aña pa mata su yiu di 4 luna

Na prome instancia e tata a haya 8 aña. El a bay den apelacion ...

caso cash galina.jpg

Fiscal: 5 aña prizon pa 3 sospechoso di labamento di 44 miyon euro

 44 miyon euro scondi den paki di galiña (kiprollade) a bay probablemente den 8 ...

Jonathan van der Linden, specialista di mantencion di N.V. ELMAR.JPG

Fayo den kabel di señal a causa interupcion di coriente

 Tabata dialuna dia 20 di juni ultimo pa 10:50pm cu N.V. ELMAR a ricibi ...

Hulanda: lo no bin un visa obligatorio pa Venezolano

DEN HAAG – Minister di Asuntonan Exterior di Hulanda a bisa parlamento Hulandes cu ...

Presupuesto 2018: Cifra y aspectonan principal analisa

Presupuesto 2108 ta den parlamento desde siman pasa y nos por a presencia e ...

6Interview Michelle.jpg

Minister Hooyboer-Winklaar: “Dos termino como Minister ta suficiente”

Diaranson mainta durante su discurso na e congreso di dia internacional di hende muhe ...