‘No ta tolera falta respet na ningun hende’

ORANJESTAD – Recientemente, Bon Dia Aruba a publica un articulo tocante acoso di hende muhenan, ora ta bay cana of jog mainta riba e caminda di brandweer bayendo Linear Park pa train, unda cu tin hombernan trahando y ta cuminsa tira palabra of di un forma of otro molestia e ser femenino.

Bon Dia Aruba a comunica cu departamento di ingeniero, señor Monty Croes, kende a bisa cu normalmente nan no tin control of sa di kico ta pasa pafo, pero lo geef uit di biaha na e compania unda e hombernan ta traha. Pa cualkier cos cu tin asina, pa semper yama libremente pa un keho.

Croes a referi na e compania cu ta traha pa Aeropuerto. Bon Dia Aruba por a comunica cu e director di e compania unda supuestamente e hombernan aki ta trahando. Segun e director, e ta bisa cu e no a tende ningun keho of nada di e trahadonan di su compania.

Prome cu esey, el a bisa cu e kier ta sigur prome si ta nan of ta otro personal di otro compania ta haciendo esaki, mirando cu tin varios trabou cu ta tumando luga eybanda. E director a bisa cu si en berdad ta di nan, e lo hala nan atencion, pa motibo cu e ta algo inaceptabel di nan compania, ‘no por y no mag’. Agregando cu cosnan asina no ta normal pa haci.

Tin biaha tin persona cu ta traha den cercania cu ta haci limpi, ta piki sushi rond, of esunnan cu ta haci mantencion di e luga. Pero e mester ta sigur prome si ta nan trahado, mirando cu e nomber di e compania ta keda na malo, y esey ta algo cu e no ta permiti.

E director a papia cu e supervisor di nan luga, y a bisa cu no ta di nan liña di trabou, pero cu tin hende mainta trempan, sea nan ta persona cu ta consumi droga, esunnan cu ta eynan pa haci limpi ta esunnan cu ta grita of haci fastioso na e ser femenino cu ta haci nan training ora di mainta. “Di nos compania absolutamente cu no. Nos trahadonan ta conoci di tin bon manera, y nan ta cuminda normalmente sin falta respet na ningun persona di un manera malo.”

Segun e director a sigui bisa cu nan tin trahadonan paden y pafo, pero mas pega na aeropuerto, y no esunnan cu ta trahando na e parti di aeropuerto cu ta dilanti Aruba Bank. Bon Dia Aruba acerca un persona cu tabata trahando na e momento ey, pero esaki a nenga di duna comentario y a djis cuminsa hari y tampoco no tabata tin uniform.

E director a bisa cu si cualkier cos e persona sigui molestia, nan lo haya sa sigur pa ken nan traha y asina por entrega un keho. Tambe pa persona cu ta train por mustra ken ta esunnan cu ta grita of bisa nan algo pa molestia.

El a finalisa bisando cu su trahadonan tin e respet, y si e haya sa cu ta di su compania, e persona aki ta perde trabou, pa motibo cu cosnan asina ‘nos no ta tolera’. El a continua bisa cu si cualkier cos, e mes por papia cu e persona cu ta sinti nan mes ofendi y e ta splica nan.

Segun e señora Medina, cu a duna e entrevista, e no a mira ken e persona cu ta traha ta, pa motibo e no ta duna nan atencion, djis e ta sinti iritante con e hombernan aki ta keda grita, fluit y bisa yen nomber. “Mi no ta bira mi cara pa wak nan, si nan lo simplemente bisa un bon dia mi lo contesta, pero mi no ta duna atencion. E ta djis fastioso, pasobra bo ta concentra den e training anto nan ta molestia bo. Awo mi tin cu core otro caminda, te ora e trabou eynan caba.”

E ta remarca na ningun momento ta pa duna mal nomber sea e compania of aeropuerto, pero ta djis e manera cu nan tin cu bisa nan trahadonan pa nan stop di molestia y pa nan mes concentra den nan trabou y laga otro hende, den e caso aki e muhenan core trankil.

 

You May Also Like

‘Mester busca un alternativa nobo urgente’

Negoshinan local chikito afecta pa medida di Venezuela: E medida di Venezuela ta bayendo ...

Sindicato uni

Sindicato uni a reuni cu Plasterk riba perspectiva economico Aruba

Union Sindical Aruba (USA) ta un unidad sindical di cual mas o menos 13 ...

Despues accion Serlimar gobierno ta garantisa nan trabou

Dialuna mainta trahadonan di Serlimar a dicidi di bay den accion. Esaki  despues cu ...

Cas Marie: problema Alzheimer ta creciendo

Cas Marie ta indica cu e problema di Alzheimer ta creciendo na Aruba, pero ...

Gobierno: ‘Miho bo tin bon bisiña cu bisiña leu’

Durante conferencia di prensa di gobierno ayera mainta prome minister Evelyn Wever-Croes (MEP) hunto ...

ley citgoNOBO.jpg

Awe mas claridad riba e secresia documentonan Citgo

E 3 lider di oposicion a pidi gobernador pa intermedia pa haya tur e ...