Hotel banda di aeropuerto ‘full berde’

Recientemente e minister Mike de Meza a haci un recorido na e hotel bou construccion cu tin banda di aeropuerto pa asina wak con ta bayendo cu e proceso.

 E hotel lo ta cla september 2018 y mas cu 95% di trahadonan lo ta local. Tambe e minister ta declara cu e hotel aki cu lo bira un Hyatt Place, lo ta uno ‘completamente berde’. E hotel aki lo bira full berde, pasobra tur aparatonan electrico cu lo uza, lo bay tin e clasificacion di mas halto den e industria di e sector energia. E sector aki ta label e aparatonan hopi berde di cual lo cumpli cu diferente rekisito cu por considera cu e ekiponan lo ta hopi eficiente.

“Pa loke ta e parti di e hardin lo ta bunita, tambe lo tin restaurantnan y otro tipo di comercio. Esaki lo haci e area uno hopi atractivo y e ta keda cerca di e Green Corridor”, minister de Meza ta expresa. Manera nos a publica e proyecto tin un inversion di casi 35 miyon dollar. E gerente di Hyatt Place a bisa minister de Meza cu mas di 95% di e empleadonan cu lo traha eynan, ta hendenan local, esta Arubiano. Un porcentahe chikito lo ta esunnan cu lo mester yega eynan cu cierto experticio di pafo, pero no pa termino largo.

“Pa cu e parti di empleadonan den construccion, a haci uzo di mayoria hende local. Mirando tur e puntonan aki, esaki ta pone cu ta bisa esaki ta tipo di proyecto cu ta desea di tin pa Aruba. Pasobra desde inicio di e proyecto y comienso di construccion por mira cu hopi hende local ta trahando den esaki”, segun e mandatario.

You May Also Like

Innovacion den sector turismo ta importante na momentonan aki

Studiante di facultad di maneho di hospitalidad y turismo na Universidad di Aruba, Maria ...

homber herida ariba caminda Emmastraat Venezuelastraat (2).JPG

Homber na sanger drumi ariba caminda den Emmastraat

Diasabra algo prome cu 1:30 patruya di playa ta bay panort di e crusada ...

Instalacion di corte constitucional na caminda

Organo consultativo (Raad van Advies, RvA) ta contento cu den e acuerdo di gobernacion ...

KIA satisfecho cu presentacion di “Jaarplan 2017”

Cu bista riba futuro, directiva y empleadonan di Korrektie Instituut Aruba (KIA) a traha ...

Prome Minister Evelyn Wever-Croes: ‘Preparacion si desaster of emergencia yega Aruba’

ORANJESTAD – Diahuebs mainta den un conferencia di prensa, Prome Minister Evelyn Wever-Croes (MEP) ...

Respaldo: Stigma riba salud mental ta algo hopi peligroso

Fundacion Respaldo ya caba cu mas o menos un aña di existencia ta percurando ...