Hotel ta retira tur robot for di staf pa motibo di mal trabou

Personanan preocupa cu e revolucion robotico ta menasa nan trabou por cuminsa relax. Henn na Hotel na Hapon tabata orguyoso di su staf completamente robotico, pero a bin resulta cu nan no por a maneha e trabou.

E staf robotico di Henn na a wordo adkiri na 2015 cu e meta di converti den ‘e hotel mas eficiente di mundo’. Pero cuater aña despues, ta parce cu e 243 robot ta menos un novedad y mas un molester. Como resultado di esaki, e Henn na Hotel a retira mita di nan, segun un relato di The Wall Street Journal.
Un huesped a keha cu e assistent virtual Churi, poni den cada camber di e hotel, a keda lant’e for di soño puntrando, “Sorry, mi no a compronde esey. Bo por ripiti bo pregunta?” pasobra e huesped tabata ronca. Otro huespednan a keha riba TripAdvisor cu Churi tabata interumpi nan combersacionnan. Eventualmente, tur robot Churi a wordo kita for di e cambernan.

Pero Churi no tabata e unico robot cu a perde su trabou. Robot concierge humanoide, y robot di check-in animatronico di dinosaurio, cu no por a contesta preguntanan basico di e huespednan sin ayudo humano a wordo retira. Tambe a retira bailarinnan kibra for di e lobby.

Robot Bellhop a wordo diseña pa hiba maleta, pero nan por a move unicamente riba superficie plat, y tabatin acceso unicamente na un cantidad chikito di camber. Nan carera den hoteleria tambe a caba trempan. “Nan tabata hopi slow y ruidoso, y lo keda pega purbando di pasa band’i otro” Taishi Mito, un huesped den pasado, a bisa e Wall Street Journal.

E retiro di casi mita di e robotnan di e hotel por parce duro, pero na final di dia, un hotel mester enfoca riba e comodidad di e huespednan mas cu e ‘gimmick’ di tin robot como empleado. “Ora bo cuminsa uza robot di berdad, bo ta ripara cu tin luganan cu no tin mester di nan – of simplemente ta cansa hende”, Sawada a bisa Wall Street Journal.

You May Also Like

161007145927-24-haiti-1007-super-169.jpg

Cantidad di morto na Haiti ta sigui crece despues di horcan Matthew

Horcan Matthew a laga atras un destruccion grandi na Haiti unda miles a muri ...

maria osorio.jpg

Muhe misteriosa colombiana ta reemplasa ‘El Chapo’ riba lista di mas busca

No tin casi ningun informacion dispnibel di Maria Teresa Osorio de Serna, pero despues ...

Polis ta mata persona tras di atake na Berlin

E persona cu a comete e atake cu un truck na mercado di Berlin, ...

564aa9031e00002e00264a35.jpeg

Partido Frances Le Pen ta urgi pa stop migrantenan

E partido politico Le Pen’s National Front (FN)  a bisa den un declaracion cu ...

Mas cu 1500 persona perdi den inundacion na Sierra Leone

Mas cu 1500 persona ta perdi ainda na capital di Sierra Leone (West Africa) ...