Booshi Wever(UPP): ‘Ta husto pa pueblo bay paga 445% mas pa procesamento di desperdicio?’

ORANJESTAD – Desde comienso di aña pasa UPP a bin ta alerta nos pueblo y parlamento con Otmar ta atende cu desperdicio y e aumento barbaro cu lo nifica pa pueblo al final. Tambe a mustra riba e tantisimo erupcionnan. Ta retira un di e directornan di Serlimar, kende no kier a complace cu exigencianan coruptivo y ta nombra un “porn-star”.E Raad van Toezicht di Serlimar, cu representacion di gremio comercial y sindical, cu mester controla, parce di ta presta nan mes pa esaki y ta colabora.

UPP a mustra con Otmar di un forma hopi astuto a otorga sin ningun tipo di destaho publico, contractnan miyonario na su amigo-, sponsor- y socionan, cu no tin ningun clase di experiencia den e ramo aki. Y asina Otmar lo a beneficia un di su sponsornan den recogemento di e “bales” for di Ecogas. Nos TUR sa cu desperdicio mester wordo benta awor na Ecogas, cu na su turno ta procesa esakinan y despues hinca den “bales”! Antes Ecogas MES tabata cobra pa hiba y stiwa  e “bales” na Seri Teishi, originalmente 120 florin pa ton. Sinembargo Otmar a duna ordo pa Ecogas no hiba NI stiwa e “bales” den e buraco na Seri Teishi mas,  pero djis pone esakinan pafo di e tereno di Ecogas. Pakico? Pasobra sin ningun clase di destaho publico, su amiguito ta haya un contracto miyonario, pa recohe e “bales” aki, stiwa nan den buraco na Seri Teishi y tapanan cu calichi. Pa esaki Serlimar ta cobra 60 florin extra! Cu otro palabra na luga di paga “tipping fee” di 120 florin, awor pa yena saco di e sponsor y di dje mes, Ecogas ta cobra 180 florin;  cu otro palabra un aumento innecesario di 50%.

Na Hulanda ora gobierno presenta un plan financiero, di inmediato Centraal PlanBureau ta haci un investigacion pa wak kico ta e consecuencianan pa pueblo y ta publica esaki. Na Aruba ta laga Raad van Advies haci esaki, a pesar cu historia ta mustra cu casi nunca ni gobierno ni Parlamento ta respeta ni publica e resultado tampoco. Te awor ningun hende a tuma nan tempo pa analisa kico esaki lo kiermen pa e saco di e pueblo.

UPP ya a mustra con e aventura di “WTE via Mass Inceniration” aki a fracasa na hopi parti di mundo y cu lo bay ta un inversion multi miyonario di por lo menos 720 miyon florin. Esaki ta un aumento signicativo di nos quota di debe!! Pero, “Nobody Is Giving A Damn”! UPP a laga haci un analisis financiero di e aventura aki. E prome consecuencia ta, manera a wordo splica anteriormente, cu awor caba nos mester paga 60 florin extra pa ton pa procesamento minimal cu ta sosodiendo na Ecogas y den Seri Teishi.

E gasto pa recoge y procesa desperdicio lo aumenta barbaramente sinembargo, ora cu e “tipping-fee” cu ta paga na e compania “handpicked”, lo mester bay cobra un “tipping-fee” di por lo menos di 800 florin pa ton, pa e por haya su “return of investment” y su ganashi!! Pues lo bay tin un aumento di casi 445%, subiendo di 180 florin pa 800 florin. Esaki SO lo nifica cu cada hogar na luga di fls. 25,= florin, lo mester bay paga fl. 111,25 y esun cu awor ta paga fls. 90,= lo mester bay paga fls. 400,=. Y esaki sin conta e tantisimo otro actonan di corupcion cu a tuma luga y cu ta tumando luga tur dia den Serlimar, pues cu na final por resulta mucho mas halto cu fls. 400,=!!

Kende lo bay paga pa e fechorianan al final? * Den Parlamento minister a declara, cu a pesar cu turistanan ya caba ta haya Aruba hopi caro, cu lo bay cobra e turista $1.50 pa cada dia di estadia. Parlamento a bay di acuerdo cu esaki. Di otro banda NOS PUEBLO tambe ta esun cu lo mester bay aporta atrobe y barbaramente. Remarcabel ta cu Otmar ta keda mustra riba su “expertonan” pa purba di hustifica su aventura corupto.

Kende ta su “expertonan”??
* Pa cuminsa TNO, cu ta un grupo di “cientifico” cu ta skirbi loke Otmar bisa nan skirbi, mescos cu nan tabata haci tempo di e “sprookje” Green di Mike Eman di AVP POR.

* E otro grupito di “expertonan” ta esunnan di WEB, cu ta den e mesun grupito cu a conseha, negosha y acorda e WTE di Ecogas, cu a resulta un fracaso total, pero cu a costa pueblo mas di 20 miyon florin!! Dicon e grupito aki, encabesa pa e hermanito di Otmar  no ta drecha e emision di  e aire malo cu WEB ta contaminando nos pueblo? Diripiente awor nan ta pretende di ta experto riba tereno ambiental? Ta nan mes ta permitiendo corupcion den WEB. Dicon a investiga e director di Elmar y no ta haci un investigacion di corupcion y faboritismo na WEB? Pasobra ey tambe tin “untouchables”, manera den e.o. RDA? Por algo cera!!!

* E otro gang di “expertonan” ta esunnan cu no tin e curashi pa para Otmar ora e ta papia e.o. cu e planta di Bouldin &Lawson no a traha!! Dos di nan tabata den e proceso na unda B&L a gana e bid y alabes ta testigo di e boycott feroz cu AVP POR  a comete. Nan ta hopi bon na altura di e tantisimo casonan cu B&L a gana, unda 8 biaha hues a bisa cu e planta a funciona y cu ta e boycott di AVP POR a causa cu e planta no a funciona. Of kisas nan ta complice  den e boycott aki tambe?

Pues, esunnan cu bay apunta e compania, simplemente lo ta complice di e crimen cu lo ser cometi contra Aruba y nos pueblo!! E grupito elite aki, lo bay apunta e compania via e “fixed-bidding-procedure”,  cu lo tin e monopolio total riba e tereno di procesamento di sushi. E compania socio den e cartel di Otmar, lo ta e UNICO cu lo por opera riba e tereno pa loke ta trata e procesamento di desperdicio! Esey kiermen cu e otro companianan local cu ta operando riba e tereno aki na Aruba lo bay desaparece, djis pa complace cu e mafia aki. Un “happy few” lo enrikece nan mes y e pueblo lo mester bay wordo sacrifica atrobe!

Nos a mustra riba esaki for di aña pasa caba, pero nos ta riparando cu “Nobody Cares” y “Nobody Ta Give A Damn”. Mas tristo ta ora cu nos tuma nota cu nos parlamento, cu tin e pretension di ta “otro y critico”, te hasta a bay di acuerdo cu e maneho cu Otmar a hiba y obviamente lo sigui tolera Otmar pa esaki por keda haci su fechorianan. Tur esaki djis pa ta den gobierno. Mesun gobierno (POR RED MEP) cu ta keda bisa cu situacion financiero ta alarmante. Con por ta posibel cu e situacion ta alarmante y ta permiti pa Otmar keda derocha placa y keda endueda nos pais djis pa e keda yena saco di su mes y di e miembronan di e Cartel??

E derochamento di placa lo bay conduci cu problemanan social lo sigui aumenta y nos lamentablemente nos parlamento ta keda bati man. Cu esaki e mafia riba e tereno di medio ambiente, cu ta operando den hopi pais na mundo, ta probechando di gobiernonan zwak y corupto. Y ta mustra, manera e directora di CBA a señala cu e situacion na Aruba ta identico. Pa colmo  cu colaboracion di e gobierno actual (POR RED MEP) y di Parlamento e mafia aki y Otmar a asumi e rol  di Robin Hood den reverse! Otmar ta kita di e pober pa enrikece su mes y e miembronan di su propio cartel!
Corda kico e expertonan ta bisa: “Burning of waste is…..wasteful!!

You May Also Like

‘Gabinete Wever-Croes abusando di fondo publico creando funcionnan’

Parti di un maneho financiero responsabel ta controla bo gastonan y basa nan riba ...

POR 1.jpg

Retiro Stephen Daal di partido POR no ta oficial

Riba pagina social Facebook ta circulando un rumor cu empresario Stephen Daal lo a ...

AVP: “Polis lo haya autoridad bek pa controla ilegal riba caya”

Nunca mester a kita e autoridad di polis pa controla ilegal riba caya. Esaki ...

Solucion pa caso Paul Croes na caminda?

  Entrada di Paul Croes diasabra ultimo na e celebracion miyonario di Mike de ...

MEP ya a priminti mas cu 1000 hende trabou y no ta sincero cu pueblo

Un lider politico cu no por ta sincero ni sikiera durante di campaña electoral ...

RAIZ no ta Sostene e manifestacion di 12 di april 2019 ORANJSTAD – RAIZ ...