AMSTERDAM – E cantidad di reclamonan di seguro cu a ser haci despues di candelanan di auto a aumenta cu 45% desde 2014, esaki ta locual e organisacion di seguro Hulandes VvV a bisa.

Aña pasa e aumento tabata 9% hibando e total di reclamonan na 4,359 na 2018, VvV a bisa. “E ta preocupante pa motibo cu ta parce cu hendenan ta dijs pega e autonan na candela paso nan tin gana”, asina e vocero di e asociacion Oscar van Elferen, a bisa AD. “ Si un mata cay riba bo auto durante di un tormenta, bo no por haci nada di e situacion, pero ta trata di algo den hendenan su cabes”, el a bisa.

Na Utrecht e cifra di reclamo a aumenta cu 33% aña pasa na 367, mientras cu na Zeeland e aumento tabata 25%. Mayoria di reclamonan segun e indice pa persona, a ser haci na e providencia di Overijssel, na unda cu tin un reclamo pa cada 2,900 residente. E cifra berdadero di e total di autonan na candela no ta sigura pa e dañonan, VvV a bisa.