Colombia: Fiscalía ta investiga 57 caso di abuso sexual na iglesia Catolico

Na Colombia, actualmente tin habri 57 investigacion contra sacerdote di iglesia catolico pa abuso sexual di menor di edad den e Fiscalia di e nacion. E ultimo caso conoci tabata di cuater victima na Cali, pa e cual e arsobispo di e ciudad mester pidi pordon di publico.

E investigacionnan ta relaciona cu echonan cu a sosode entre 2002 y 2018, segun e cifra cu e ente acusador a entrega. Mayoria di e casonan ta concentra na e departamento di Antioquia (26,3%), e resto ta reparti na 18 region di e pais.

Mayoria (71,1%) di e investigacionnan aki ta den proceso di huicio of investigacion, pa loke ainda no a ser duna un sentencia di condena. Pero e estadisticonan ta evidencia un panorama tristo pa e victima cu ta haya e curashi pa denuncia e institucion halto di catolicismo. Pa motibo cu no tur e casonan ta caba na husticia.

Di acuerdo cu e cifranan conoci, 13,3% di proceso a keda archiva, pa via cu nan no ta haya suficiente pruebanan pa condena e sacerdote implica. 4% so di acusacion di violacion di menor di edad tabatin sentencia absoluto. Te e momentonan aki, 11,1% tabatin sentencia condenatorio.

E caso ultimo mas conoci di abuso sexual na Colombia tabata di cuater mucha, entre nan dos ruman, cu a dicidi di denuncia William de Jesus Mazo, sacerdote di e parokia Nuestra Señora de la Candelaria, di e bario Alfonso Bonilla Aragon, na e sector di districto Agua Blanca oriente di Cali, kende a abusa sexualmente di nan na 2009.

E muchanan y su famia a sufri un persecucion di e iglesia durante e decada cu a dura e proceso hudicial. Na prome luga, ta menciona cu e argumento di e iglesia semper tabata cu e muchanan a gaña pa via di e educacion malo cu su mayornan a ricibi y cu nan tabata vicioso, y aunke a ser comproba cu esey no tabata berdad, nan nunca a pidi pordon p’e declaracionnan ey.

 

 

You May Also Like

Venezuela: Banco Ruso sanciona ta asumi cuenta di Pdvsa

E empresa Russian Financial Corporation Bank (Rusfincorp) lo asumi supuestamente responsabilidad pa e cuentanan ...

Mexico : E peligernan cu e bayenanan den lama Mexicano ta enfrenta

Di e 14 especie di bayenanan cu ta existi na mundo, ocho por wordo ...

Odebrecht ta nenga di a paga FARC

E gigante di construccion Brasileño Odebrecht a nenga ayera cu nan lo a entrega ...

Comision Interamericano di Derecho Humano cu informe tocante Venezuela

Comision Interamericano di Derecho Humano (CIDH) a celebra un conferencia di trabao, corespondiente na ...

Ex-funcionarionan di gobierno Mujica bao investigacion pa negoshi cu Venezuela

Dies funcionario di gobierno di ex-presidente di Uruguay José Mujica a ser denuncia pa ...